泰簡單

Open Now

Now Closed

今次去既泰國餐廳喺銅鑼灣總統戲院嘅上邊，一開門入去，已經覺得好似去咗泰國嘅按摩店，店員全部都係講泰文，非常正宗🧡坐低叫完嘢食之後，去咗外邊睇吓，露天嘅環境都幾好。我哋嗌咗青木瓜沙律，呢個好清爽，青木瓜絲夾住好多細細隻嘅蝦米，另外仲有五六隻爽滑彈牙嘅大蝦，呢個絕對係好開胃嘅前菜。之後叫咗香葉肉碎炒飯，佢配咗一個流心蛋，肉碎都幾多，炒飯好香好乾身，配埋流心蛋，唔覺意食多咗。😍跟住嗌咗個串燒拼盤，豬牛羊各兩吋，仲配咗好香濃嘅沙嗲汁，不過就算唔掂個汁，個肉本身都醃得好好味，尤其是豬肉，勁Juicy。最後仲嗌咗一個椰子雞湯，佢上嚟嘅時候我以為係汁，因為呢個湯嘅料係勁豐富，有雞肉菇蕃茄一啲香葉等等，成個湯層次好豐富，先係椰子嘅香，跟住另外帶少少酸。好開胃，同埋料真係好足。