Video
Read full review
2017-09-18
13677 views
平時經過旺角都見到「鮮入圍煮」嘅火鍋店好多人等位，今次就上去湊下熱鬧，好彩我哋六點鐘就入座，餐廳有一張枱比我地，入到去已經幾乎全場爆滿了。餐廳環境好特別，裝修成一個古色古鄉嘅街市咁，好有地道嘅感覺，用餐嘅時候好似置身於街市中，仲可以即場揀選新鮮游水海鮮，另有一番特別。精選湯底都有好多款式，女士們養顏嘅湯底都有，仲有好多特色嘅湯底。由於今次得我哋兩個人，我哋兩人都好鍾意沙嗲味道，所以叫咗「沙嗲湯底」都只係＄68試吓。「沙嗲湯底」賣相吸引，遠處已經聞到鍋入面有好濃郁嘅沙嗲味道，我哋即刻叫番啲火鍋配料打個靚邊爐。餐廳非常體貼，火鍋配料嘅餐紙都分類列明晒出嚟，想搵心愛嘅火鍋配料好快就搵到，就咁望都有70多種配料選擇，除此之外，當天嘅時令海鮮同埋價錢一一列晒喺餐廳嘅黑板上面，非常當眼清晰。以我們牛魔王嚟講，即刻叫返一碟「手切牛肋骨肉」，牛肋骨肉條紋非常平均，半肥瘦的，放喺一盆冰上面，可以保存牛肉嘅溫度同鮮味。將牛放入火鍋灼，幾秒就食得，食落去牛肉肉質滑嫩，好有口感，咬幾啖就溶咗了。另外再叫左「花膠雲吞」、「帶子水餃」、「牛丸」同埋「油麥菜」。由於我太鍾意食餃子類啦，估唔到呢度嘅雲吞同埋水餃都非常
平時經過旺角都見到「鮮入圍煮」嘅火鍋店好多人等位，今次就上去湊下熱鬧，好彩我哋六點鐘就入座，餐廳有一張枱比我地，入到去已經幾乎全場爆滿了。
餐廳環境好特別，裝修成一個古色古鄉嘅街市咁，好有地道嘅感覺，用餐嘅時候好似置身於街市中，仲可以即場揀選新鮮游水海鮮，另有一番特別。
精選湯底都有好多款式，女士們養顏嘅湯底都有，仲有好多特色嘅湯底。由於今次得我哋兩個人，我哋兩人都好鍾意沙嗲味道，所以叫咗「沙嗲湯底」都只係＄68試吓。「沙嗲湯底」賣相吸引，遠處已經聞到鍋入面有好濃郁嘅沙嗲味道，我哋即刻叫番啲火鍋配料打個靚邊爐。
餐廳非常體貼，火鍋配料嘅餐紙都分類列明晒出嚟，想搵心愛嘅火鍋配料好快就搵到，就咁望都有70多種配料選擇，除此之外，當天嘅時令海鮮同埋價錢一一列晒喺餐廳嘅黑板上面，非常當眼清晰。
以我們牛魔王嚟講，即刻叫返一碟「手切牛肋骨肉」，牛肋骨肉條紋非常平均，半肥瘦的，放喺一盆冰上面，可以保存牛肉嘅溫度同鮮味。將牛放入火鍋灼，幾秒就食得，食落去牛肉肉質滑嫩，好有口感，咬幾啖就溶咗了。
另外再叫左「花膠雲吞」、「帶子水餃」、「牛丸」同埋「油麥菜」。由於我太鍾意食餃子類啦，估唔到呢度嘅雲吞同埋水餃都非常好食，最重要係佢脹卜卜，非常足料，咬落去即刻見到有花膠係雲吞入面，女士們必食，食得多花膠可以養顏，正。
飲品方面，有支裝同埋罐裝汽水等等選擇，打邊爐當然唔少得要叫啦，我就叫左一枝Fanta汽水，一邊打邊爐一邊飲好爽！
最後埋單都只係＄500左右，就食到咁豐富嘅邊爐，下次會再約多啲人一齊食多啲火鍋配料。Post
