星記海鮮飯店 (一號廣場)

Open Now

Now Closed

一早已經訂左位，因為得知佢嘅炸子雞需要提前預訂，未夠7點入座，已經差唔多滿座，睇嚟米芝蓮呢個牌頭係幾有影響力。除左炸子雞，我地仲叫左個例湯，例湯每日都會唔同款，即使例湯佢湯料都好足，另外仲有燉湯但都係要提前預訂，仲叫左聖子皇，頭抽煎焗大虎蝦，三蔬銀芽煎脆米，馳名鳳梨生炒骨，豆腐煲。炸子雞係真係名不虛傳，皮脆肉嫩，呢個值得預訂，而聖子皇都係當晚比較印象深刻嘅餐點，大蝦亦都煎得好入味。餐廳職員仲好熱情同埋好快手幫我地換碟執枱，值得一讚。