Video
Read full review
2022-07-26
559 views
通常潮州嘢都會諗起大排檔打冷，如果同屋企人食/想坐得舒服啲可以嚟呢間駟馬拖車潮州飯店，觀塘同馬鞍山都有分店😄⭐前菜貢菜爽脆，唔算好咸，令人好開胃。⭐️ 滷水鵝片 $168鵝片切得厚薄均勻，肉嫩，油脂薄，而且相當入味，滷水味香，肉下有幾塊豆腐，吸盡肉汁嘅鮮味同滷水嘅精華。蘸點白醋🍾味道酸甜開胃😋⭐️九肚魚烙 $88用九肚魚整烙都係第一次見，幾特別，對比蠔餅，佢個漿更加煙韌，好似平時酒樓食薄撐嘅質地，係真係有種外脆內軟嘅感覺，兩邊煎得香脆，中間軟糯，另外配上九肚魚滑溜嘅口感，好有層次感。⭐️潮州沙茶牛肉炒河 $82 河粉先與雞蛋炒香鋪底，鑊氣十足，沙茶醬濃郁，令每條河粉都掛滿醬汁，面頭嘅牛肉鮮嫩軟腍，份量又多。⭐潮式椒醬肉 $58第一次食潮式椒醬肉，佢唔係淨係得肉，肉粒嘅數量唔多，主要係有好多豆腐乾同埋菜脯，仲有蝦米，提升香味，撈飯／麵食鹹度啱啱好，就咁食就過鹹啦。值得一提嘅係呢度嘅服務都唔錯，未諗到食咩嘅時候叫傾你推介一下，都真係用心推介🫶🏼
通常潮州嘢都會諗起大排檔打冷，如果同屋企人食/想坐得舒服啲可以嚟呢間駟馬拖車潮州飯店，觀塘同馬鞍山都有分店😄
⭐前菜
貢菜爽脆，唔算好咸，令人好開胃。
⭐️ 滷水鵝片 $168
鵝片切得厚薄均勻，肉嫩，油脂薄，而且相當入味，滷水味香，肉下有幾塊豆腐，吸盡肉汁嘅鮮味同滷水嘅精華。蘸點白醋🍾味道酸甜開胃😋
⭐️九肚魚烙 $88
用九肚魚整烙都係第一次見，幾特別，對比蠔餅，佢個漿更加煙韌，好似平時酒樓食薄撐嘅質地，係真係有種外脆內軟嘅感覺，兩邊煎得香脆，中間軟糯，另外配上九肚魚滑溜嘅口感，好有層次感。
⭐️潮州沙茶牛肉炒河 $82
河粉先與雞蛋炒香鋪底，鑊氣十足，沙茶醬濃郁，令每條河粉都掛滿醬汁，面頭嘅牛肉鮮嫩軟腍，份量又多。
⭐潮式椒醬肉 $58
第一次食潮式椒醬肉，佢唔係淨係得肉，肉粒嘅數量唔多，主要係有好多豆腐乾同埋菜脯，仲有蝦米，提升香味，撈飯／麵食鹹度啱啱好，就咁食就過鹹啦。
值得一提嘅係呢度嘅服務都唔錯，未諗到食咩嘅時候叫傾你推介一下，都真係用心推介🫶🏼
Post
