HABITŪ table (Closed)

今晚真係好開心，難得個澳門好友黎香港團聚，一定撲出去，點知佢又遲到一個鐘，真係激死我但我又嬲唔落呀，同佢去完會展後，夜晚大家都唔太識港島呢邊既路，亂咁行黎行去，盲鐘鐘咁俾佢見到前面有間cafe，我見到係我一直想試未試既habitu，即刻衝左入去啦餐廳週圍唔係旺區，星期五晚去到竟然唔洗卜位有得入，真係好喇！入到去仲幾驚喜下，環境咁靚既？！好女仔既感覺呀，有花擺設而且感覺好高貴雅致，環境好靚下，室內坐到三四十人，同朋友忽然攪到咁鬼死浪漫，有可愛的燭台小擺設，亦播住好温柔舒服的音樂，氣氛十分好！跟朋友點了曲奇沙冰，賣相不錯，沙冰幾大杯下，黑朱古力味不過甜，夠凍也解渴，略嫌碎冰粒有點偏大，如果細點會更好！！青蘋果沙冰，薄荷葉味好出，青蘋果顏色漂亮，青綠色好夏日清新的感覺，味道少少酸，幾酸甜醒胃忌廉煙肉意粉，呢個超得，忌廉汁濃度剛好，煙肉香又軟稔，菇都幾鮮有咬口，配上少少cheese，少少杰身，我地都好鍾意，朋友嫌吃這些有點漏，我就不覺！芝士蘑菇牛肉漢堡，手打牛肉好厚身，蘑菇好吃，上面的cheese亦好靚，幾濃郁下，面包不過不失，薯條味道正常，伴碟的沙律菜加上醋汁也不俗！無花果提拉米蘇，無花味好