龍麵館 (Closed)

我依個龍蝦控早前見到facebook有網頁話中環開左間新餐廳，主打有個龍蝦麵好正咁話，於是去拜一拜訪先～ 入到餐廳，未食已經俾佢嘅裝修有D驚喜。一開始以為係普通麵館，但入到去有一陣現代x傳統中國嘅感覺。餐廳以紅黑顔色為主調，有金龍丶醒獅頭丶仿涼茶店嘅擺設，好中國風。但同一時間餐廳有個調酒嘅bar枱 (個晚仲有個幾靚仔嘅外籍bar tender駐場㖭)，所以依度有酒飲有happy hour時段架，中西合璧，唔怪得都幾多外國人黎幫襯。坐底之後，侍應會問飲咩茶，有四款揀，分別係紅棗玫瑰茶丶龍井薰衣草丶希臘洋洋菊同荔枝大紅袍，茶款又可以顯出fushion新頴。茶我點左龍井薰衣草，好香嘅薰衣草咩，反而冇咩龍井茶味。食物叫左龍肉湯麵同土蠔蒸飯。龍肉湯麵盛惠$149，個湯底都係濃濃橙色嘅龍蝦湯，連湯都飲左大半碗，不過麵同龍蝦肉唔算好多。至於土蠔蒸飯好味喎，土蠔有八隻，薑蔥做配料，好香! 臨走見隔離枱叫扁皮鴨，香氣撲鼻，幾吸引咁～