Video
Read full review
2018-03-15
518 views
利申：我真係第一次幫人寫食評，寫得唔好請多多包涵星期三晚又係八點幾遲放，一個人本身諗住去大快活搞掂算數,但行行下見到呢間野係地下放左個banner, 佢又整得幾過癮寫咩『食飽飲醉』，本住勇敢嘅心就膽粗粗上去試下。一上到去見到得兩三枱，其實有點想走人但係一上到來個侍應就衝咗過嚟熱情招呼我=。= （後尾會知道佢原来唔係侍應haha)佢見我一個人都比張大枱我（應該因為已經冇乜人），仲同我介紹有乜好食，有海膽，珍寶蝦，帶子個d, 不過我今日真係麻麻地想食生野咁我同佢講都係想食個快飯，佢就問我鍾意食咸定甜，我就答佢咸甜都好！hahaha! 咁佢就即刻介紹我食個汁煮豬軟骨烏冬，話可以滿足晒我兩個願望。咁我就信佢試下！再叫多個炸雞軟骨 係等野食期間同佢傾兩句原來佢都係球迷（雖然係利x =_=）不過都傾左幾耐波，我就問佢老細唔會詐你型咩？佢答我佢係無人理既打雜，ok師傅明白了等左一陣，傾傾下雞軟骨就到了，不過我地掛住傾波係無食住，到個烏冬都到埋佢先提我好食野hahaha (順便影埋相啦）先食個烏冬，真係咸甜都有！冇水我，仲要啱啱好！烏冬夠彈牙！個豬軟骨夠淋，d蘿蔔都夠入味！掂呀！個雞軟骨好大份，夠酥脆
星期三晚又係八點幾遲放，一個人本身諗住去大快活搞掂算數,但行行下見到呢間野係地下放左個banner, 佢又整得幾過癮寫咩『食飽飲醉』，本住勇敢嘅心就膽粗粗上去試下。
一上到去見到得兩三枱，其實有點想走人但係一上到來個侍應就衝咗過嚟熱情招呼我=。= （後尾會知道佢原来唔係侍應haha)
佢見我一個人都比張大枱我（應該因為已經冇乜人），仲同我介紹有乜好食，有海膽，珍寶蝦，帶子個d, 不過我今日真係麻麻地想食生野
咁我同佢講都係想食個快飯，佢就問我鍾意食咸定甜，我就答佢咸甜都好！hahaha! 咁佢就即刻介紹我食個汁煮豬軟骨烏冬，話可以滿足晒我兩個願望。咁我就信佢試下！再叫多個炸雞軟骨
係等野食期間同佢傾兩句原來佢都係球迷（雖然係利x =_=）不過都傾左幾耐波，我就問佢老細唔會詐你型咩？佢答我佢係無人理既打雜，ok師傅明白了
汁煮豬軟骨烏冬
14 views
1 likes
0 comments
等左一陣，傾傾下雞軟骨就到了，不過我地掛住傾波係無食住，到個烏冬都到埋佢先提我好食野hahaha (順便影埋相啦）
先食個烏冬，真係咸甜都有！冇水我，仲要啱啱好！烏冬夠彈牙！個豬軟骨夠淋，d蘿蔔都夠入味！掂呀！
個雞軟骨好大份，夠酥脆，搞到我叫左杯細啤（佢同我講返因為我都係球迷所以比大份d我，其實我覺得佢係怕我唔夠飽）
後尾問佢生意如何，因為都見佢呢晚無乜人咁，佢就話其實生意係開始穩定，但係次次好d嘅時候就會冇啦啦差一排，好似呢晚就有幾枱取消
見佢幾好傾又幾有熱誠，就幫佢寫篇食評啦！
Other Info. :
其實呢度的野食唔係驚為天人個種，不過佢地服務同親和力真係個賣點，有機會我一定會帶埋d fd一齊黎！
(The above review is the personal opinion of a user which does not represent OpenRice's point of view.)
Post
