Lockeroom Dining (朗晴坊) (Closed)

以足球為主題嘅餐廳，入面好多阿仙奴嘅展品及怖置，除咗酒吧之外，最多男士幫襯嘅餐廳😂入面有足球卡、簽名球衣等等。相當唔錯。一般以為主題餐廳食物會麻麻，點知呢間幾好食！晚餐都好選擇，我地揀左兩個晚餐。美國肉眼拼法國鵝肝$228及燒烤醬西班牙黑毛豬梅肉拼北海道元貝$208晚餐跟沙律或湯及蒜蓉包，我哋揀咗沙律。沙律好衛生，用一個甖裝住一份。菜都幾新鮮。我鍾意個蒜蓉包夠多蒜蓉及牛油，新鮮焗起，熱辣辣，好香脆。主菜我較喜歡西班牙黑毛豬，因為豬肉夠香夠林，估唔到配燒烤醬又幾好食。元貝都OK。肉眼叫咗5成熟，不過就略為煎得生咗少少。法國鵝肝邪惡！好味。食物質素算唔錯。餐廳環境其實幾得意，男士應該會幾鍾意，特別係球迷。