Video
Read full review
2021-08-10
676 views
每日叫醒我既唔係鬧鐘而係早餐🙌🏻🤤美式既all day breakfast 可以由朝食到晚，台式既早餐吐司都唔例外，雖然台灣宜家就去唔到⋯住，但油麻地有間主打全日都可以食台式「早餐」既叁拾壹堂，由朝早照顧到你夜晚。極愛澱粉質既我點會唔動容？❤️吐司+炸薯條+港式飲品 套餐$88🥪吐司選擇左鹹蛋煎雞肉餅，係鐵板上烘煎，薄薄的塗上牛油，再一層層加入餡料🤩層次分明極吸晴！食落果然酥香又脆口，生菜、紫薯醬、炒蛋及主角鹹蛋雞肉餅都各有重擔，最估唔到鹹蛋除咗同豬肉夾之外，同雞肉都可以做到fd🤝貪心既我仲+$10有埋mozzarella，拉絲無難度，要輕輕壓扁先可以食齊咁多野😌個口細啲都搞唔掂！🍟炸薯條係用扭紋粗薯條，並唔係走脆卜卜路線，感覺咁無熱氣🤣而且非常乾身，點茄汁無得輸啦！☕️Caffe latte +$15 面頭公仔幾可愛，但其實唔知咩黎，到走啦係門口先知原來係小店既logo🤣🍗一棍入魂雞棒 $35呢個名幾盞鬼我鍾意😏呢個雞鎚炸得極！香！脆！由影相去到食晒應該四五個字，雞鎚都係脆到無朋友😌連骨位都有炸皮，照顧埋鍾意論骨嘅朋友，最讚係唔會油，如果調味再濃多少少就更好，真心好味道喎！🥟雞肉餃子 $
美式既all day breakfast 可以由朝食到晚，台式既早餐吐司都唔例外，雖然台灣宜家就去唔到⋯住，但油麻地有間主打全日都可以食台式「早餐」既叁拾壹堂，由朝早照顧到你夜晚。極愛澱粉質既我點會唔動容？❤️
吐司+炸薯條+港式飲品 套餐$88
🥪吐司選擇左鹹蛋煎雞肉餅，係鐵板上烘煎，薄薄的塗上牛油，再一層層加入餡料🤩層次分明極吸晴！食落果然酥香又脆口，生菜、紫薯醬、炒蛋及主角鹹蛋雞肉餅都各有重擔，最估唔到鹹蛋除咗同豬肉夾之外，同雞肉都可以做到fd🤝貪心既我仲+$10有埋mozzarella，拉絲無難度，要輕輕壓扁先可以食齊咁多野😌個口細啲都搞唔掂！
🍟炸薯條係用扭紋粗薯條，並唔係走脆卜卜路線，感覺咁無熱氣🤣而且非常乾身，點茄汁無得輸啦！
☕️Caffe latte +$15 面頭公仔幾可愛，但其實唔知咩黎，到走啦係門口先知原來係小店既logo🤣
🍗一棍入魂雞棒 $35
呢個名幾盞鬼我鍾意😏呢個雞鎚炸得極！香！脆！由影相去到食晒應該四五個字，雞鎚都係脆到無朋友😌連骨位都有炸皮，照顧埋鍾意論骨嘅朋友，最讚係唔會油，如果調味再濃多少少就更好，真心好味道喎！
🥟雞肉餃子 $45
店員推介，賣相有別於平時食開脹卜卜果啲餃子🥟，裡面只有雞肉亦有少少蔬菜粒，煎得香脆可口😝配合店家秘製醬汁，鹹香味十足！
🥤香茅薑薄荷葉青檸肉桂（熱）$30
呢杯係養生茶🤩有幫助消化解膩清新之用，杯中清晰可見用料，絕唔係用茶包咁hea🤗不過飲到一半有啲苦澀，應該係因為青檸皮？
小店有個特色打卡牆，一塊塊既小木牌，寫滿各種同人生有關的詞語：惜食、成長、笑一個、反思等⋯突然有種百感交集嘅感覺，覺得宜家行得走得食得訓得，一切一切既愛、快樂、健康都唔係必然，我地理應活在當下，學識感恩，因為知足才會常樂🥰
無咩野我返出去錫一啖屋企人先💋❤️
Post
