Video
Read full review
2014-10-21
1259 views
本人嗜茶，尤對抹茶食品趨之若鶩，知道鴻星集團旗下抹茶概念店-京都抹茶屋喺將軍澳中心有分店，特意一探虛實。 餐廳採開放式坐位，處於商場中，只以矮屏分隔，外賣窗口同厨房部份同同集團八重櫻鍋屋共用。餐廳外佈置及身玻璃飾櫃，放滿食物模型，琳琅滿目，令人食慾大增。 正值下午茶時間，喺有限選擇下點咗親子丼，再跟餐叫抹茶奶昔，另點京都宇治抹茶卷蛋。朋友點咗黑芝麻牛奶寒天窩夫同凍LATTE。點完餐，侍應奉上兩杯綠色液體，一呷之下，只能稱呼為綠茶味水！茶味若有若無，令我即時倒抽一口涼氣！ 希望其他食物有驚喜。親子丼$38中規中矩，普通雞肉蛋飯，只滿足到飽肚嘅目的，唔難食。抹茶奶昔$32(跟餐八折)雪糕同奶昔都係有茶味無茶香，仲要雪糕上枱時而變成比薩斜塔，流落杯邊 ，稍一不慎真係成手都係 黑芝麻牛奶寒天窩夫$45上碟時材料各據一方，好似方太教煮餸展示材料咁，完全睇唔出係一個整體！！味道平平，不值一提。 京都宇治抹茶卷蛋$15睇相頗吸引，但幻想美麗，現實殘酷。蛋卷粗鞋，毫無抹茶味道，忌廉死實，紅豆未煮夠時間，兼啖而無味，買聖安娜都好食過佢。 凍LATTE$17.5(跟餐半價)做型尚可，但啡底係
本人嗜茶，尤對抹茶食品趨之若鶩，
知道鴻星集團旗下抹茶概念店-京都抹茶屋喺將軍澳中心有分店，特意一探虛實。
餐廳採開放式坐位，處於商場中，只以矮屏分隔，外賣窗口同厨房部份同同集團八重櫻鍋屋共用。
餐廳外佈置及身玻璃飾櫃，放滿食物模型，琳琅滿目，令人食慾大增。
正值下午茶時間，喺有限選擇下點咗親子丼，再跟餐叫抹茶奶昔，另點京都宇治抹茶卷蛋。朋友點咗黑芝麻牛奶寒天窩夫同凍LATTE。
點完餐，侍應奉上兩杯綠色液體，一呷之下，只能稱呼為綠茶味水！茶味若有若無，令我即時倒抽一口涼氣！ 希望其他食物有驚喜。
親子丼$38
中規中矩，普通雞肉蛋飯，只滿足到飽肚嘅目的，唔難食。
抹茶奶昔$32(跟餐八折)
雪糕同奶昔都係有茶味無茶香，仲要雪糕上枱時而變成比薩斜塔，流落杯邊 ，稍一不慎真係成手都係
黑芝麻牛奶寒天窩夫$45
上碟時材料各據一方，好似方太教煮餸展示材料咁，完全睇唔出係一個整體！！味道平平，不值一提。
京都宇治抹茶卷蛋$15
睇相頗吸引，但幻想美麗，現實殘酷。蛋卷粗鞋，毫無抹茶味道，忌廉死實，紅豆未煮夠時間，兼啖而無味，買聖安娜都好食過佢。
凍LATTE$17.5(跟餐半價)
做型尚可，但啡底係普通料，微酸帶澀，雪糕無奶香，同M記無分別
香港不乏抹茶FANS,市場上已經有成功例子，無奈眼高手低，由味道到造型全部馬虎了事，既然有抹茶做主題，本身已成功咗第一步，希望主事人可以正視問題，從根本著手改善，唔好辜負乘興而來客人嘅期望。
Post
