Video
Read full review
2021-08-26
73 views
大學時期好鍾意流連上環山上嘅cafe，經常一杯咖啡一件蛋糕就坐一個下午，靜靜地睇下readings。可惜而家越來越多打卡cafe，加上香港租金越來越貴，好似少咗好多呢類嘅選擇。最近留意到呢間由瑞典人開嘅北歐Cafe－squarestreet KAFFE，就趁住放假同媽咪去食下午茶。Cafe喺上環四方街，文武廟附近，如果唔係特登嚟，應該大部份人都唔會經過吧，單係位置已經令人有一種遠離煩囂嘅感覺。點知嗰日去到，Cafe嘅冷氣竟然壞咗，最估唔到嘅係媽咪二話不說就話唔緊要，心靜自然涼。又的而且確，坐低一陣吹住風，又真係唔係太熱，我哋嗰日不知不覺都坐咗2小時呢。年輕店員超friendly，唔單止請我哋飲凍果汁消一消暑，仲同我哋分享外國旅遊嘅經歷，講下講下我都好掛住去旅行嘅日子呀！小店牆身掛滿店主自家設計嘅香港地圖插畫，結合瑞典味道與香港情懷。店內空間不大，一邊放咗5－6個座位，另一邊則寄賣各式各樣生活雜貨。雖然餐牌只有一頁，食物及咖啡選擇不多，但每樣都做得出色！Cinnamon Bun ($40)要回憶瑞典口味，點少得肉桂卷？肉桂卷用上老闆瑞典recipe，味道非常正宗！肉桂卷好軟熟，肉桂味道濃
Cafe喺上環四方街，文武廟附近，如果唔係特登嚟，應該大部份人都唔會經過吧，單係位置已經令人有一種遠離煩囂嘅感覺。
點知嗰日去到，Cafe嘅冷氣竟然壞咗，最估唔到嘅係媽咪二話不說就話唔緊要，心靜自然涼。又的而且確，坐低一陣吹住風，又真係唔係太熱，我哋嗰日不知不覺都坐咗2小時呢。
年輕店員超friendly，唔單止請我哋飲凍果汁消一消暑，仲同我哋分享外國旅遊嘅經歷，講下講下我都好掛住去旅行嘅日子呀！
小店牆身掛滿店主自家設計嘅香港地圖插畫，結合瑞典味道與香港情懷。店內空間不大，一邊放咗5－6個座位，另一邊則寄賣各式各樣生活雜貨。
雖然餐牌只有一頁，食物及咖啡選擇不多，但每樣都做得出色！
Cinnamon Bun ($40)
要回憶瑞典口味，點少得肉桂卷？肉桂卷用上老闆瑞典recipe，味道非常正宗！肉桂卷好軟熟，肉桂味道濃郁清香，甜度亦有調節到香港人口味，唔會太甜漏，好好食！
Cardamom Bun ($40)
Cardamom豆蔻係一種香料，第一次食開頭都怕呢隻香料味會好直接霸道，但原來豆蔻嘅味道係非常清香淡雅！呢度嘅Bun真係做得好好呀，口感紮實又不失鬆軟，口感濕潤，香料餡分佈均勻，啖啖香甜。
Chokladboll （Chocolate Ball） ($30)
朱古力球用燕麥片、奶油及可可粉整成，再用椰絲蓋滿，賣相睇落好甜，但可以放心，呢度嘅Chokladboll嘅甜度調整過，完全唔覺甜漏！濃郁幼滑嘅朱古力混合燕麥搓成球體，食落口感十足！
Conspiracy Mocha (different flavors $50/$55/$60)
Mocha用上本地手工朱古力品牌Conspiracy ，有三款朱古力選擇，分別係CBD，nutty及spicy。Conspiracy Mocha明顯比起其他嘅可可香味更加馥郁！Nutty嗰款帶有堅果香，Spicy嗰款只有少少辣感刺激味蕾，都幾特別！
店員告訴我，呢度嘅咖啡豆都係老闆特地喺瑞典空運到港，所以呢個瑞典嘅味道，香港其他咖啡店好難飲到呢！
Post
