Video
Read full review
2019-09-27
573 views
由佢岩岩開鋪，舊鋪得十個位已經有去開一係因為瑞典菜比較小見，而且老闆一家係瑞典回流，真係有學過瑞典菜二係我麵幾鐘意食肉丸，尤其鐘意呢到既瑞典肉丸搬左新鋪多左人食，我就反而少左去食因為成日都要排隊，夏天係室外排隊太熱星期四放工大約八點半，無人唔洗排，坐低Menu有好多選擇，西餐既菜式選手好多瑞典🇸🇪菜既選擇有肉丸、水牛芝士肉餅等等最鐘意佢個主菜可以配薯仔，唔洗配麵/飯咁悶薯仔仲有好多花款有薯餅，薯蓉，煎薯，薯條，烚薯叫左意大利乾酪雞扒配煎薯 同埋 水牛芝士肉餅配薯蓉跟餐有餐湯 同 野飲，飲品凍飲唔洗加錢，柚子蜜/檸檬蜜都唔洗加錢，唔錯👍🏻今日餐湯：比較稀既湯，入面有 菇，蒜，飲到有洋蔥味但食唔到有洋蔥，調味唔錯，幾香雖然湯身幾稀，但飲落味道幾濃餐湯款式會轉既，飲過薯仔湯幾好飲，今日呢個就正常乾酪雞扒沙律撈左醋，唔會過酸，有啲香草味加埋檸檬汁，甜甜酸酸幾開胃雞扒煎得脆脆地，切開都幾juicy食落外皮香脆，內裏仲幾滑嫩跟雞扒既乾酪汁偏稠，配雞扒幾夾煎薯有大約5-6粒，大大粒我最鐘意食呢到既煎薯因為外皮煎到脆脆地，入面又糯軟加左啲鹽調味，好簡單，但又出奇既好食.水牛芝士肉餅類肉漢堡入面個塊肉扒
一係因為瑞典菜比較小見，而且老闆一家係瑞典回流，真係有學過瑞典菜
二係我麵幾鐘意食肉丸，尤其鐘意呢到既瑞典肉丸
搬左新鋪多左人食，我就反而少左去食
因為成日都要排隊，夏天係室外排隊太熱
星期四放工大約八點半，無人唔洗排，坐低
Menu有好多選擇，西餐既菜式選手好多
瑞典🇸🇪菜既選擇有肉丸、水牛芝士肉餅等等
最鐘意佢個主菜可以配薯仔，唔洗配麵/飯咁悶
薯仔仲有好多花款
有薯餅，薯蓉，煎薯，薯條，烚薯
叫左意大利乾酪雞扒配煎薯 同埋 水牛芝士肉餅配薯蓉
跟餐有餐湯 同 野飲，飲品凍飲唔洗加錢，柚子蜜/檸檬蜜都唔洗加錢，唔錯👍🏻
今日餐湯：
比較稀既湯，入面有 菇，蒜，飲到有洋蔥味但食唔到有洋蔥，調味唔錯，幾香
雖然湯身幾稀，但飲落味道幾濃
餐湯款式會轉既，飲過薯仔湯幾好飲，今日呢個就正常
乾酪雞扒
沙律撈左醋，唔會過酸，有啲香草味
加埋檸檬汁，甜甜酸酸幾開胃
雞扒煎得脆脆地，切開都幾juicy
食落外皮香脆，內裏仲幾滑嫩
跟雞扒既乾酪汁偏稠，配雞扒幾夾
煎薯有大約5-6粒，大大粒
我最鐘意食呢到既煎薯
因為外皮煎到脆脆地，入面又糯軟
加左啲鹽調味，好簡單，但又出奇既好食
.
水牛芝士肉餅
類肉漢堡入面個塊肉扒
食落啲調味幾特別，我覺得食倒Tabasco既香味，但唔辣的
口感唔錯，外層煎到香脆，入面腍但又唔會過軟或者過散
配既洋蔥汁，微甜，有好多洋蔥，而且炆到好淋
配肉餅既味道都幾夾
薯蓉有好香既薯仔味，食得出係新鮮靚薯
而且無比牛油味蓋過，薯味突出，好食！
.
睇落份量唔多，但因為薯仔份量都多
又係澱粉質，所以食晒其實都夠飽
可能男仔會差啲 或者 岩岩好
所以有時會叫多個小食：瑞典肉丸
肉丸應該炸過，出面硬硬地，脆脆地
入面既質地比較實，食得出好足料
無加好多粉，令到肉丸質地好腍或者散
食落好香肉味，少少肥肉令到味道更豐富
Post
