瑞士餐廳 (Closed)

難得今日朋友生日，就帶佢品嚐一下香港少有的瑞士菜。餐廳地點方便，天后站5分鐘路程便到達，餐廳裝修有特色，帶你遊走瑞士一圈，用的都係木做的檯凳，周圍掛起瑞士國旗，還有一些酒桶象徵瑞士人大杯大杯的飲啤酒。瑞士芝士火鍋+雞扒 (⭐️⭐️⭐️⭐️⭐️)貴為瑞士名菜，當然要試一試。餐廳提供蠟燭保持熱力，芝士十分濃稠，微熱最能帶出芝士的香氣，搭配附送的麵包，感受芝士的鹹味跟麵包的小麥味混合一起，當中帶點點白酒的香氣，真係食唔停，麵包口感出色，煙煙靭靭真材實料。我地另外叫左雞扒，雞扒煎至金黃色，不時流出濃濃肉汁，點上芝士更能襯托出雞肉的嫩滑感，值得加錢試。西班牙大蝦意大利飯 (⭐️⭐️⭐️⭐️⭐️)個人好喜歡餐廳用心製作，從廚房外看到師傅謹慎測量食材的份量，每一步都不馬虎，煮出來香噴噴，色香味俱全，尤其大蝦肉質鮮嫩，有點點燒焦味好惹味，飯底creamy，夾雜唔同嘅蔬菜蘑菇，十分開胃。火焰雪山 (⭐️⭐️⭐️⭐️⭐️)依款甜品好震撼，師傅用蛋白打成泡沫，舖在朱古力雪糕上，再喺面擺上雜果，淋上朱古力醬，最後進行點火儀式真係有夠特別，朋友都睇到哇哇聲！蛋白打得好細滑，雜果味道正常，因酒精淋面關係會有點點酒香。~~~~~~~瑞士餐廳 天