Video
Read full review
2009-02-19
16 views
九龍城一向都係泰國菜熱點，不過一向都只係旺於南角道、侯王道一帶，甚少行到衙前圍道街尾。好彩今日跟媽媽去行一行，發現呢間唔起眼既瑰寶，食左個回味無窮既午餐。呢間餐廳係位於富豪東方酒店附近，由太子道東近迴旋處既巴士站行入去，過斑馬線就到。餐廳門口標榜午市提早埋單有九折優惠，不過有加一，所以早埋單亦即是免加一。午市餐牌有大約十款菜式，包埋冷熱飲品一杯，例如龍眼茶、凍泰國青檸可樂之類，另外仲送埋甜品。未講食之前，都先講下環境，餐廳主色係紅色，睇得出唔係話好貴價既物料，不過塑造出黎既效果好靚。一邊食野，仲一邊播住泰國音樂，尤其是慢歌同情歌，打破左我自己一個固有既觀念，成日以為泰文好粗魯，唱起黎唔好聽，又或者以為十居其九都係「神樂」之類既音樂。全餐飯都有輕鬆既音樂伴住，非常不錯。好喇，以下就係兩母子午餐好介紹：1. 黃咖喱牛尾飯 ($38)食泰國菜，咖喱真係睇到真功夫。上檯時，咖喱牛尾同白飯分開上。今次咖喱汁非常濃郁同勻循，惹味到不得了，全部黃咖喱俾我地要晒黎撈飯。雖然餐牌顯示一個小辣椒 (屬於辣味菜色)，不過唔算辣，反而好香同埋令人開胃。牛尾份量都唔少，數數埋埋都唔止六舊，只係燜得唔夠腍，如果煮
不過一向都只係旺於南角道、侯王道一帶，
甚少行到衙前圍道街尾。
好彩今日跟媽媽去行一行，
發現呢間唔起眼既瑰寶，
食左個回味無窮既午餐。
呢間餐廳係位於富豪東方酒店附近，
由太子道東近迴旋處既巴士站行入去，過斑馬線就到。
餐廳門口標榜午市提早埋單有九折優惠，不過有加一，
所以早埋單亦即是免加一。
午市餐牌有大約十款菜式，
包埋冷熱飲品一杯，
例如龍眼茶、凍泰國青檸可樂之類，
另外仲送埋甜品。
未講食之前，都先講下環境，
餐廳主色係紅色，
睇得出唔係話好貴價既物料，
不過塑造出黎既效果好靚。
一邊食野，仲一邊播住泰國音樂，
尤其是慢歌同情歌，
打破左我自己一個固有既觀念，
成日以為泰文好粗魯，唱起黎唔好聽，
又或者以為十居其九都係「神樂」之類既音樂。
全餐飯都有輕鬆既音樂伴住，非常不錯。
好喇，以下就係兩母子午餐好介紹：
1. 黃咖喱牛尾飯 ($38)
食泰國菜，咖喱真係睇到真功夫。
上檯時，咖喱牛尾同白飯分開上。
今次咖喱汁非常濃郁同勻循，惹味到不得了，
全部黃咖喱俾我地要晒黎撈飯。
雖然餐牌顯示一個小辣椒 (屬於辣味菜色)，
不過唔算辣，反而好香同埋令人開胃。
牛尾份量都唔少，數數埋埋都唔止六舊，
只係燜得唔夠腍，如果煮得耐就應該非常美味喇。
醉翁之意不在牛，只在乎咖喱之味也，一讚。
2. 蚵仔炒米粉 ($36)
泰式米粉比起平時茶餐廳食既米粉仲要幼身，
仲幼過我 Earphone 條線，
所以煮起上黎，索晒汁料既味道。
蚵仔份量亦都唔少，
碟面望到既數目都覺得值回票價。
至於甜品，係南瓜布甸糕，
切出黎有波浪紋，而且又見到有南瓜絲，
可惜我唔食南瓜既，所以呢方面俾唔到評價大家參考。
全餐埋單 $74，已經計埋提早埋單既免加一。
講完食，更值得一提係呢間餐廳旁邊既泰國商店。
原來呢間泰國商店係同餐廳一同經營，
入到去又會見到「泰地道」既甜品都有得賣，
南瓜布甸糕都有出現。
佢入面賣好多唔同既泰國食品，
例如綠豆糕、西米布甸、泰國青檸、檸檬葉、椰菜苗、
蝦醬、咖喱粉、泰國蜜柚、泰式乾果等等，款式繁多。
再行入少少，會有好多日常用品，
甚至泰國服裝，以及泰式香燭都有得賣。
之前我搵左好耐既新鮮檸檬葉，
終於呢度搵到喇，十蚊一包。
配埋泰國青檸，五蚊三個。
再加少少檸檬醬、有氣礦泉水同埋冰，
就可以沖調檸檬特飲，
夏天就有杯透心涼既飲品喇！
Post
