海雲天

Open Now

Now Closed

海雲天點心放題我同朋友一早喺KK地book咗聖誕節正日下午2:30嚟食呢個點心放題，每人$188 ，到步得知原來要再收加一服務費，嗰度就每人$44 。朋友早咗度，就話原來2:30到咗都要逐個逐個叫名入座，全程都係用手機落單，不過去到3:30就截單。我哋叫咗兩輪嘅食物，食物冇其他食評講得咁差，我覺得蝦餃、鮑汁鳳爪、口水雞、碗仔翅、排骨、蜜汁雞翼都幾好食。我哋坐到面對海景嘅位置，呢個景120分！不過不過最大嘅敗筆位係啲服務真係十分之差，仲差過屋村酒樓，首先侍應係唔會主動收任何嘅碟，同埋加水，而且十問九唔應。侍應好似覺得我哋點得太多，甚至開口問我哋會唔會食唔晒，其實我哋最後係食得晒嘅，同埋問侍應拎牙籤，侍應仲要特登講句比多一包你，總共有四支牙籤，嗰種感覺令人好差，覺得好似個過嚟食放題嘅客人都好貪心好彩嘅係我哋食最後一輪可以坐到四點幾先走，如果上一輪食就比較慘，一定要準時走。