Video
Read full review
2011-08-25
37 views
今日同太太諗住揸車去遠啲飲下午茶，就打算去科學園，睇見呢間餐廳啲評語唔錯，就去試吓，點知瀨哂嘢。入到去坐抵，裝修環境幾好，望住吐露港海濱啲人喺度踩單車，真係令人心擴神怡。打開餐牌，佢哋下午茶之供應三文治同蛋糕，睇完價錢打咗個突，完全係酒店價錢，三文治要$68到$88，唔包嘢飲。OK!如果好食冇乜所謂。我同太太分別點了French Beef Dip同Roast Chicken Baguette，熱檸水同凍檸茶。嘢飲好快就到，但係兩個包要我哋等咗超過15分鐘嗺佢先到。 有冇搞錯？睇見都唔想食。先講兩個包，都係法包，但係又硬又韌，好似隔咗嘢咁，餡料方面，我嗰啲牛肉都尚算正常，我太太個包只有四小片Roast Chicken，仲要有兩片係只得皮同肥膏。啲伴菜沙律一啲都唔新鮮，我從未見過牛油果係深灰綠色嘅。最係只係食咗兩片有肉嘅雞同四份一個麵包就頂唔順冇再食。買單盛謂$235，雖然環境唔錯，但已咁嘅食物水準真係$100都俾多佢，收呢個價錢俾啲咁嘅服務同食物真係揾笨實。
入到去坐抵，裝修環境幾好，望住吐露港海濱啲人喺度踩單車，真係令人心擴神怡。
打開餐牌，佢哋下午茶之供應三文治同蛋糕，睇完價錢打咗個突，完全係酒店價錢，三文治要$68到$88，唔包嘢飲。OK!如果好食冇乜所謂。
我同太太分別點了French Beef Dip同Roast Chicken Baguette，熱檸水同凍檸茶。嘢飲好快就到，但係兩個包要我哋等咗超過15分鐘嗺佢先到。 有冇搞錯？睇見都唔想食。
先講兩個包，都係法包，但係又硬又韌，好似隔咗嘢咁，餡料方面，我嗰啲牛肉都尚算正常，我太太個包只有四小片Roast Chicken，仲要有兩片係只得皮同肥膏。啲伴菜沙律一啲都唔新鮮，我從未見過牛油果係深灰綠色嘅。最係只係食咗兩片有肉嘅雞同四份一個麵包就頂唔順冇再食。
買單盛謂$235，雖然環境唔錯，但已咁嘅食物水準真係$100都俾多佢，收呢個價錢俾啲咁嘅服務同食物真係揾笨實。
Post