爭鮮迴轉壽司 (偉景樓)

Open Now

Now Closed

餐廳位於九龍灣德福商場後，某地鋪位置。晚飯時段約七時已有一條人龍在等候，大概等左20-25分鐘先有得入座。餐廳環境有以前銅鑼灣分店咁大，亦比起旺角分店大，而且場內幾光猛，，衛生情況幾好，無烏蠅飛黎飛去。食物方面，選擇就唔係好多：吞拿魚、三文魚、玻璃蝦呢D基本野係迴轉盤上出現得較多，其次係鰻魚、粉紅三文魚籽、蒜味螺肉等。吞拿魚幾新鮮，個人認為係全場最佳料理；蝦睇落嘅賣相就一般，而實際上亦唔夠新鮮；鰻魚味道OK，唔會好咸。不過多春魚籽就唔見有，而呢度落左order要都可能無，或者太忙無理到。每碟單價HKD8，另有加一，都好抵。