爭鮮迴轉壽司 (偉景樓)

Open Now

Now Closed

喺呢間我諗算係人氣嘅店試食咗一輪，感覺好似搵寶一樣，啱啱咁！🍣 先講講那個火灸三文魚啦，肥美又入味，一啖落去，就好似香口膠咁，意猶未盡。不過就係甜甜地嘅沙拉醬有啲over，幸好啲三文魚彈牙，救返場。再嚟啲鮑片，我叫你知真係厚道到滴！🐚 平時食鮑魚都係大日子先得，呢度$8有兩件，真係食到笑口合唔埋。記住啊，見到就快手搶，唔係就得望梅止渴。唔少得嘅甜蝦，新鮮得嚟又冇任何腥味，細細舊舊嘅彈牙質感，真係食一啖，影響情緒嘅好！🦐如果你問我有啲咩要提返，個環境真係OK，冇得諗！店員服務就...嗯，有時要等多陣，揮揮手都未必即刻有人睇你一眼，但係考慮到抵食價錢，呢啲小瑕疵都係可以原諒嘅。總結，下次肯定會再嚟攞幾碟，尤其係塞得滿滿嘅壽司碟碟經過眼前嗰刻，誰又能抗拒得住呢？

今日行過爭鮮 見到多咗 好多款式就入去試下， 佢嘅價錢分三個級 $8， $12 ，$16， 價錢算平， 有部分款式 質素都唔錯 。最欣賞佢嘅 海膽壽司 份量足夠鮮味， 另外一隻 裏面有蟹肉蟹子 蟹膏 配搭， 佢啲蟹肉就冇咩 蟹肉味， 配合蟹膏蟹子 出嚟味道 都唔錯只係需要12蚊件抵食， 另外一件蝦壽司上面塗咗唔知咩醬 就唔係幾好食啦😂今日中午去食，因為佢啱啱開門啲嘢食我覺得比較新鮮多款， 之前試過夜晚八點幾去食， 款式唔太多 ，壽司 可能已經擺咗一段時間 ，我覺得 睇落唔太新鮮。

Lunch/收工後成日黎呢間一嚟因為近我公司😂二嚟位置亦比較多，唔使等太耐就有位三嚟質素唔差👍每次黎都會食赤蝦壽司/刺身因為好大隻～肉質又OK🙆🏻‍♀️🙆🏻‍♀️呑拿魚同左口魚都正唔會太油/太腥

呢間壽司餐廳真係好棒啊！佢哋嘅壽司新鮮又精緻，每一片飯同魚肉都好恰好，一咬落口就會感受到佢哋嘅鮮味。佢哋嘅魚肉選擇非常多，而且每一款都有佢獨特嘅風味，好啱壽司愛好者。除咗壽司之外，佢哋嘅烤鯖魚同烤鮭魚都好好味，係好好嘅選擇。餐廳嘅環境好舒適，氣氛好現代化，讓你可以放鬆心情好好享受食物。而且，餐廳嘅服務好周到，令人感受到舒適同愉悅。總之，呢間壽司餐廳係壽司愛好者一定要試下嘅好去處！

以前學生時期成日都會去食爭鮮，8蚊有一碟壽司非常抵食，而且質素又對得起價錢。但係近日再去食就有啲失望了，雖然價錢冇點變但係壽司嘅size同埋魚片刺身嘅厚度好明顯細左好多，而且食落都冇以前咁新鮮了。

屋企附近就有爭鮮，以前個個周末都帶小朋友去食，一來方便二來抵食。舊年爭鮮壽司開始續樣加價，而且加幅大到離曬譜，8蚊一碟加到12/16蚊……剛開始三文魚都幾大件幾厚，後來越來越薄，越來越細件…質素比未加價前仲要衰…好無語！以前次次去食門口排曬大隊，依家門口冷冷清清，裏面大把空位……我已經好耐無去食了！再唔改善就改變唔到byebye既命運！！

唔講唔知，原本小編係從未食過相信大部分mm7友食過既爭鮮🙈今次胃食友人帶返小編轉頭去試食佢既迴轉壽司，睇下一路畀大角咀間壽X部竉壞既小編會對爭鮮有咩評價！當晚黎到係weekend晚市時段，唔少人門外等位入坐，坐無虛席！ 入到去坐圍住迴轉帶既位，感覺個坐位setting 高度，同隔離位既相距都有認真計過點先係最舒服，唔使望到對面枱個樣又唔驚畀人望實個食相，絕無尷尬唔錯。食物方面其實選擇唔多，轉左好多輪都係果幾樣唔吸引既。整體來講食物屬普通，無咩特別驚喜，不過不失。只係鰻魚壽司令小編有點失望因為好似車肽咁硬。 但如果想平平地食解決一餐係一個唔錯選擇因為真係幾抵食。人均～$70

每況愈下嘅爭鮮壽司每次去呢間爭鮮壽司都係小朋友提議去，但係每次都食得好開心，不過今次做例外，因為食物質素真係下降了很多而且價錢又增加了，一來一回性價比極低，以後應該唔會再幫襯啦。去到門口見到冇人排隊，心知不妙，入到去冇咩食客我話三位有一個嚟緊好快到，佢話都要人齊至入得😵‍💫唔識變通失敗。

夏日炎炎，想吃壽司，附近剛好有爭鮮，便成了晚餐落腳點，自從加價後都沒有來過，今次看看質素如何😋火灸芝士蝦特別喜歡爭鮮的火灸壽司，芝士燒到半溶，少許沙律醬，加上蝦肉壽司飯，一啖入口，回味無窮。脆辣火灸比目魚魚肉燒過有油香味，有少許辣油係面，相當夾火灸七味三文魚腩這個十分好味，不是次次都有，還要撞啱師傅剛燒好，半暖上碟，十分難得，魚腩入口即化，加上7味粉令味道更濃烈，要多吃幾碟三文魚比以前貴了，但感覺厚了一點，油脂分布平均，入口啖啖魚油香味花之戀 以前的花之戀外面的三文魚都是次貨，但今次看起來很不錯，入口即溶蟹膏蟹肉軍艦下面大大片紫蘇葉，包著整個軍艦吃，剛好辟了腥味，很清新蟹柳沙律壽司每次來都必食，蟹柳勁大條，啖啖肉，配沙律醬絕配最後一碟當然是甜品像波羅包的泡芙，裡面像雪糕也像忌廉，入口即溶，甜而不膩，贊😋整體質素好像比以前好多了，可能貴了有成本入點比較好的食材，值得一贊👍🏻

又是一個人的吃飯時間 今天去了吃夀司 如果要性價比高 而要求不高的 強烈推薦這店 實在太超值呢進食時間限40分鐘 一般來説 應該足夠 因為一坐下就有得吃 不用等 收費清楚列是 8,12,16元 款式分別有小吃 夀司 軍艦 甜品 任君選擇我一個人共吃了7碟8元 1碟12元 3碟16元 其中最好味是燒炙油甘魚夀司 二大片 入口即溶 只系16元其餘中華沙律 希靈魚 花之戀 芝士三文魚腩 燒青口也不錯較差是海膽夀司 辣燒吞拿魚 和豆沙和果子 可能不太合我口味吃得我超飽的 才不過128元 太滿足了

爭鮮今日心郁郁想食壽司但又唔想洗咁多錢,就去左爭鮮食晚餐.每碟都係$8,夠曬平.香港好似淨返爭鮮係有迴轉帶, 其他都係用電子落單.食左幾舊壽司發現左幾個問題.第一,壽司飯好易散夾唔起, 加上好硬而且無醋味. 第二, 炸蝦壽司凍曬同冧曬, 應該放左好耐.第三,某D食材好腥(例如海膽)但價格真係好平, 加上服務都唔錯, 如果你想食迴轉帶上係既壽司, 可以同職員講, 佢地會即整再放上迴轉帶.特別想推介灸燒三文魚壽司, 三文魚燒到入口即溶,面頭再有沙律醬同七味粉, 味道加唔少分.整體來講, 對得住個價錢. 百零蚊就可以食壽司食飽.必食！灸燒三文魚壽司.爭鮮今日心郁郁想食壽司但又唔想洗咁多錢,就去左爭鮮食晚餐.每碟都係$8,夠曬平.香港好似淨返爭鮮係有迴轉帶, 其他都係用電子落單.食左幾舊壽司發現左幾個問題.第一,壽司飯好易散夾唔起, 加上好硬而且無醋味. 第二, 炸蝦壽司凍曬同冧曬, 應該放左好耐.第三,某D食材好腥(例如海膽)但價格真係好平, 加上服務都唔錯, 如果你想食迴轉帶上係既壽司, 可以同職員講, 佢地會即整再放上迴轉帶.特別想推介灸燒三文魚壽司, 三文魚燒到入口即溶,面頭再有沙律醬

想食壽司，又想平 ，又想食得飽，一定係簡食爭鮮。每次食爭鮮必食甜蝦刺身，每次嘅味道都唔錯，而且沒有冰鮮味道。第二碟必食之選是吞拿魚茸壽司，吞拿魚茸入面有洋蔥，配搭一塊帶鹽味的紫菜，是一個絕配。不過壽司飯太濕太黏口，令刺身既味道大大減低。必食第三選一定係藍莓芝士蛋糕。$8一件又抵食又好食。岀面餅店賣$10-20不等，但都無爭鮮甘好食。本身想食多件吞拿魚茸壽司，職員話唔會整，如果迴轉無就無啦。至於環境方面，枱面和餐具乾淨，亦都無蚊滋仔。

落單嘅時候講咗話要等20到30分鐘ok 當然冇問題然後十碟外賣等咗50分鐘我同侍應講我等多5分鐘 仲冇就幫我退咗佢佢入一入廚房出嚟同我講仲未開始整...........10碟壽司共20件外賣要等一個鐘都仲可能未有會唔會太過分

聽日開始無得堂食諗住落街買定啲嘢食放喺屋企 經過爭鮮見到20碟減3碟又無嘜人排隊就入去試下 因為以前每次經過都見到有人排隊 而我係一個無咩耐性嘅人 所以以前係未試過食爭鮮入去職員會同你量體溫再安排座位 每個座位都有膠版隔開 感覺會安全啲首先見到個勁粗蟹棒壽司 我就試下 估唔到都幾鮮味 蟹棒上面個火焰🔥芝士又幾夾 所以都食多件 第二件花之戀好creamy 就算食多兩件都唔覺溜第三件粟米沙律軍艦🌽 不過不失 無驚喜第四件赤貝刺身壽司🍣 一入口勁鮮甜 馬上order多4件 第五款三文魚壽司🍣 普普通通 無味 口感麻麻不過$8/碟有兩件 唔可以要求太高食飯食到飽飽地就食下其他小食 第一款蟹柳絲沙律 - 有青瓜絲食落幾清新 有蟹籽 咬落卜卜聲口感唔錯第二款芝麻八爪魚🐙 - 淡而無味 但賣相唔錯 正所謂口要食 眼都要食 視覺影響咗食慾 都唔差第三款麻辣味既帶子裙邊呢個係我最鍾意❤️麻辣味好香 唔會得個（麻）字，就算食多幾碟都唔怕變舒淇唔食得辣既朋友都可以一試最終食左20碟減3碟 另加一 計埋$152 性價比高 可以再encore

爭先不嬲都好多人排隊食，貪佢夠平，買單兩個人如果唔係好大食嘅話， $100都已經OK。不過相比起元氣梗係就唔夠個質素，呢度只能夠講係頂下癮，但係壽司嘅質素都好明顯食得出一分錢一分貨嘅道理。除咗影相嘅呢一個灸燒三文魚算係唔錯之外，其他我覺得都係真係麻麻地，就算係三文魚刺身，感覺上都唔係真係話勁新鮮，因為魚生嘅溫度唔夠冰。如果係為咗平平哋食個叫做日本餐，同埋飽肚嘅話咁呢度都啱你嘅！