Video
Read full review
2023-11-26
150 views
今日星期日想chill住食個lunch ，諗起中環大館附近既La Parrilla, 兩個人就起行了.餐廳位於大廈既一樓. 入到去，環境帶着有情調嘅昏暗。位同位之間嘅距離好闊落。我哋坐咗係窗邊嘅高身枱位置。望住大館進餐，為呢一餐飯增添左文化氣息。每個Lunch set 包括餐前包，開胃菜，主菜，小食同飲品。餐前包：蒜蓉香草芝士包。麵包好鬆軟，有淡淡的蒜蓉香草味。加埋橄欖油同香醋一齊食，好開胃.Steak tartare：淡淡既調味醬唔會掩蓋牛肉嘅鮮味。牛肉他他新鮮，牛味濃郁。Melted provolone cheese: 喜歡食芝士嘅朋友不能錯過。芝士啱啱焗起做到長拉絲嘅效果。配埋脆脆嘅麵包一齊食啱晒。Catch of day: 今日係左口魚魚柳。魚質滑溜。有魚油香。魚皮煎得香脆。下面有啲紅黃椒同蕃茄做雜菜，醬汁酸酸may may，令人食慾大增。Hanger steak: 不嬲打邊爐時都好鍾意食封門柳。但平時食西餐比較少有封門柳選擇。難得呢度有就叫咗一份。叫咗三成熟。封門柳特色係牛味濃郁，比較少脂肪。牛柳上枱嘅時候係一條長木板上，上面有六款醬汁，牛柳再用鐵板放喺木板上面。渣渣聲，聽到
餐廳位於大廈既一樓. 入到去，環境帶着有情調嘅昏暗。位同位之間嘅距離好闊落。我哋坐咗係窗邊嘅高身枱位置。望住大館進餐，為呢一餐飯增添左文化氣息。
每個Lunch set 包括餐前包，開胃菜，主菜，小食同飲品。
餐前包：蒜蓉香草芝士包。麵包好鬆軟，有淡淡的蒜蓉香草味。加埋橄欖油同香醋一齊食，好開胃.
Steak tartare：淡淡既調味醬唔會掩蓋牛肉嘅鮮味。牛肉他他新鮮，牛味濃郁。
Melted provolone cheese: 喜歡食芝士嘅朋友不能錯過。芝士啱啱焗起做到長拉絲嘅效果。配埋脆脆嘅麵包一齊食啱晒。
Catch of day: 今日係左口魚魚柳。魚質滑溜。有魚油香。魚皮煎得香脆。下面有啲紅黃椒同蕃茄做雜菜，醬汁酸酸may may，令人食慾大增。
Hanger steak: 不嬲打邊爐時都好鍾意食封門柳。但平時食西餐比較少有封門柳選擇。難得呢度有就叫咗一份。叫咗三成熟。封門柳特色係牛味濃郁，比較少脂肪。牛柳上枱嘅時候係一條長木板上，上面有六款醬汁，牛柳再用鐵板放喺木板上面。渣渣聲，聽到都覺得開心。三成熟啱啱好，因為放喺鐵板上面都會再令牛扒煎熟啲。封門柳易切開唔un，肉汁豐富，牛味濃郁。
Garlic and parsley fries: 用新鮮薯仔炸，淡淡的鹽同香草味配埋薯條啱啱好。
Potato au gratin: 表面焗得脆脆地，薯仔切薄片，一層一層鋪起，有cream加埋一齊焗，入邊好軟熟。外脆內軟。
Ginger ale and Ginger beer: 呢兩杯餐飲都唔使特別加錢，平時出面比較少有。Ginger ale味道偏甜。ginger beer,夠氣，薑味重。
非常滿足的一餐。
Post
