Dirty Skillet

Open Now

Now Closed

今日我生日，朋友同我去呢間西餐廳慶祝，入面裝修都好童話feel,而且d食物都好好食。火焰芝士配杏甫醬，蒜蓉意大利包上枱時店員即時點火，好有儀式感，d芝士燒到咋咋聲，有拉絲嘅感覺，而杏甫肉酸酸甜甜加埋芝士咸咸香香，搽上脆卜卜嘅多士上面，勁正秘製Dirty屠夫牛排上枱時成個煎pan上，好夠鑊氣，仲熱辣辣咋咋聲，牛排上枱時5成熟，可以按自己喜好自己煎熟，牛排好重牛味，非常淋，好juicy,而炸薯條炸到勁香脆，呢個main course非常滿足。芒果拿破崙餐廳員工知道我生日，專登喺碟上寫happy birthday，勁窩心,有埋著燈嘅轉轉音樂盒喺個甜品下面,賣相勁靚，個甜品勁多芒果肉，好甜，而d吉士醬好香滑，個酥皮好脆，好味。Dragon Hat賣相一流，火龍果，菠蘿同士多啤梨果味重，加埋有汽梳打，消暑一流。Fresh Kumquat Lemon Soda金桔檸檬味酸酸甜甜好正，勁開胃，非常解口渴。