Video
Read full review
2023-05-16
1196 views
今日放工後黎到哩間日式料理餐廳。餐廳裝潢花心思，用上日式屏風及布料，座位亦闊落舒適。餐牌上有$880及$1180兩款set dinner可以選擇，亦可以單點其他食物。✨FUMI DELUXE TASTING MENU $1180 🔸先付蟹肉湯葉茄子高湯掛火炙和牛壽司三文魚大葉天婦羅鹽燒銀杏蟹肉同茄子味道清甜，底層放有少許腐皮，帶有淡淡豆香；火炙和牛壽司充滿炙燒香氣，而且更富油脂感；三文魚大葉天婦羅炸皮非常薄，入口香脆鬆化；鹽燒銀杏需要剝殼，記得剝埋層衣先好食呀～🔸刺身：吞拿魚腩，鮟鱇魚肝，真鯛，甜蝦吞拿魚腩超級肥美，油脂感豐富，而且完全無筋；鮟鱇魚肝口感綿滑柔順，油脂柔嫩香醇；真鯛肉質柔軟，上面已經灑上酸汁，唔使再額外調味；甜蝦大隻，而且新鮮彈牙。🔸吸物：舞茸雞丸清湯清湯入面有兩粒雞丸同舞茸，雞丸質感唔係死實嗰種，比較鬆軟，食完刺身之後飲番碗暖笠笠既湯，真係剛剛好～🔸煎物：香煎鵝肝配法包鵝肝大大嚿，入口半融，上面放上無花果及灑上黑醋，正好中和油膩感，再配埋脆卜卜既法包，非常好食👍🏻🔸燒物：日本生蠔樸葉味噌燒生蠔新鮮肥美，真係入口已經食到佢既鮮味，而且燒得啱啱好，配埋上面既香蔥，食落去會
餐牌上有$880及$1180兩款set dinner可以選擇，亦可以單點其他食物。
✨FUMI DELUXE TASTING MENU $1180
🔸先付
蟹肉湯葉茄子高湯掛
火炙和牛壽司
三文魚大葉天婦羅
鹽燒銀杏
蟹肉同茄子味道清甜，底層放有少許腐皮，帶有淡淡豆香；火炙和牛壽司充滿炙燒香氣，而且更富油脂感；三文魚大葉天婦羅炸皮非常薄，入口香脆鬆化；鹽燒銀杏需要剝殼，記得剝埋層衣先好食呀～
🔸刺身：吞拿魚腩，鮟鱇魚肝，真鯛，甜蝦
吞拿魚腩超級肥美，油脂感豐富，而且完全無筋；鮟鱇魚肝口感綿滑柔順，油脂柔嫩香醇；真鯛肉質柔軟，上面已經灑上酸汁，唔使再額外調味；甜蝦大隻，而且新鮮彈牙。
🔸吸物：舞茸雞丸清湯
清湯入面有兩粒雞丸同舞茸，雞丸質感唔係死實嗰種，比較鬆軟，食完刺身之後飲番碗暖笠笠既湯，真係剛剛好～
🔸煎物：香煎鵝肝配法包
鵝肝大大嚿，入口半融，上面放上無花果及灑上黑醋，正好中和油膩感，再配埋脆卜卜既法包，非常好食👍🏻
🔸燒物：日本生蠔樸葉味噌燒
生蠔新鮮肥美，真係入口已經食到佢既鮮味，而且燒得啱啱好，配埋上面既香蔥，食落去會更有口感，下邊仲有菇同埋豆腐～
🔸鍋物：A4宮崎和牛芋煮野菌小鍋
A4宮崎和牛肉質細嫩，而且大大塊，份量唔少，牛味亦突出，入面仲有淮山、日式粉絲同雜菇。
🔸食事：迷你雜錦天婦羅丼
雜錦天婦羅有櫻花蝦、洋蔥、菇及雜菜，炸得相當香脆，夠曬香口。
🔸果物：時令果物
水果有雪梨、士多啤梨及蜜瓜，蜜瓜香甜多汁。
🍹Summer Lover $88
Lychee Puree, Orange Juice, Watermelon Juice
味道香甜，西瓜味突出。
🍹Kiwi Cooler $88
Kiwi Puree,Lemongrass Syrup, Lime Juice, Soda Water
味道清新微酸，非常開胃。
Post
