Video
Read full review
2022-01-29
873 views
依間餐廳有得食鐵板燒或者omakase，今日同屋企人嚟依度揀左食鐵板燒lunch，諗住enjoy下，我地今次食有預先book位。食鐵板燒會喺個包廂裡面，環境唔錯有個大玻璃窗可以遠望出面海景，而且坐落都寬敞舒服，今次揀左食$328嘅鐵板燒套餐。▪︎溫室野菜沙律依個係前菜，估唔到裡面仲有紅豆、椰果做搭配，再配埋胡麻醬，食落好fresh。▪︎法國鵝肝/銀鱈魚/大蝦/北海道帆立貝 (四選二)帆立貝厚身好大粒，經過香煎再有埋紫菜湯做鋪底，食落爽口而且非常鮮甜。大蝦口感亦好彈牙，加左蝦膏食落好惹味。另外不得不讚嘅係法國鵝肝，依個鵝肝底下仲會搭配埋塊多士。鵝肝煎得非常香口，入口即溶，油脂喺口中散發，連同煎到脆卜卜嘅多士一齊食，超級好食，我覺得成餐最好味嘅就係依個，推薦大家要試下依個鵝肝。另外屋企人都有叫左銀鱈魚，見師傅整嘅過程會將魚皮拆左出嚟分開煎最後再做返裝飾，賣相都幾別緻吸引，不過我就無試到。▪︎美國特級牛柳/肉眼薄燒(二選一)同屋企人share食所以兩款都有試到，牛柳切到細細粒，食落軟腍唔會過韌，有口感而且調味亦適中，食得出牛肉鮮味。肉眼薄燒裡面會包左啲蔥一齊煎，肉質食落都好滑同順口，比我想像中更好
食鐵板燒會喺個包廂裡面，環境唔錯有個大玻璃窗可以遠望出面海景，而且坐落都寬敞舒服，今次揀左食$328嘅鐵板燒套餐。
▪︎溫室野菜沙律
依個係前菜，估唔到裡面仲有紅豆、椰果做搭配，再配埋胡麻醬，食落好fresh。
▪︎法國鵝肝/銀鱈魚/大蝦/北海道帆立貝 (四選二)
帆立貝厚身好大粒，經過香煎再有埋紫菜湯做鋪底，食落爽口而且非常鮮甜。大蝦口感亦好彈牙，加左蝦膏食落好惹味。另外不得不讚嘅係法國鵝肝，依個鵝肝底下仲會搭配埋塊多士。鵝肝煎得非常香口，入口即溶，油脂喺口中散發，連同煎到脆卜卜嘅多士一齊食，超級好食，我覺得成餐最好味嘅就係依個，推薦大家要試下依個鵝肝。另外屋企人都有叫左銀鱈魚，見師傅整嘅過程會將魚皮拆左出嚟分開煎最後再做返裝飾，賣相都幾別緻吸引，不過我就無試到。
▪︎美國特級牛柳/肉眼薄燒(二選一)
同屋企人share食所以兩款都有試到，牛柳切到細細粒，食落軟腍唔會過韌，有口感而且調味亦適中，食得出牛肉鮮味。肉眼薄燒裡面會包左啲蔥一齊煎，肉質食落都好滑同順口，比我想像中更好食。個人覺得啲牛唔洗額外點醬汁都已經好好味。伴碟仲會有啲蒜片，食落好似薄脆咁。
▪︎炒飯
雖然炒飯嘅用料都只係好普通，但覺得炒得幾有鑊氣，乾身而且食落香口。分量亦都唔少。同時亦會附上麵豉湯同漬物。
▪︎炒野菜
主要都係以芽菜為主，亦有啲菇做搭配，味道正常不過不失。
▪︎咖啡/茶/雪糕
飯後當然係食返個雪糕甜品，今次有綠茶同紅豆味揀。抹茶味雪糕食落覺得奶味重啲，茶味唔算好濃郁，但有雪糕作完結已令我覺得好滿足。
上咖啡或者雪糕前，仲會有一個焦糖吐司嘅小食。依個係餐牌上面無架，算係隱藏餐單。睇住師傅整嘅過程喺麵包上面撒上滿滿嘅砂糖，再攞去煎到金黃色真係覺得十級邪惡。色澤非常誘人，啲砂糖融化喺方包面上，覆蓋每個角落，食落夠香脆，雖然甜不過好好味！
雖然野食唔算好多，但我食完都覺得夠飽。依度環境真係唔錯，如果想食餐relax嘅可以嚟試下依間鐵板燒。
Post
