Restoran SAYA

Open Now

Now Closed

大角咀出名多平靚正好西小店，但近年新建高級住宅利奧坊則招攬中高檔次的餐廳，見到呢間泰國餐廳幾吸引，環境唔錯，店員有禮，但我覺得食物性價比略低。海鮮青木瓜沙律 $98兩隻蝦，五個魷魚圈，再加車厘茄，豆角，蘿蔔絲等青木瓜沙律，味道少少酸幾開胃，但份量唔算多。伊善炭火燒牛肉 $168燒牛肉粉嫩賣相幾吸引，但肉質有少少韌，本身落鹽已夠味，醬汁似梅菜油（？）都係帶少少鹹味。炭燒清邁香腸 $98外皮幾脆口，個餡唔知係咩，口感味道同平時食開既腸唔同，但又唔覺好特別。重點係一條香腸切成七件，呢條腸會唔會太貴？！泰北咖喱金麵 $108呢個主菜較為像樣，有炸過的麵條以及類似粗麵的金麵，咖喱汁幾香濃，撈麵一流。雞扒有燒過，少少焦香，肉質唔柴。芒果糯米飯 $68半個芒果切成粒，加上糯米飯以及椰汁，味道唔會太甜，好食。.整體食物方面，沙律小食真心覺得唔抵食，份量實在太少，性價比低，100蚊一條腸真係唔值；反而主菜與甜品無論賣相，份量及味道都比較像樣。