The Chop House (Closed)

是日happy Friday 想同朋友搵個地方坐得舒服啲咁傾下計，朋友就suggest黎The Chop House. 原本以為要等下位，點知一上到去就有位，都幾開心，而且入面環境寬倘舒適，唔會好嘈，幾啱兩三人嘅gathering。今次三個女仔點了4道菜，先黎caesar salad with chicken，味道中規中矩，蔬菜幾新鮮，雞肉唔“鞋”，值得讚。小食點了炸魷魚圈同埋炸甜番薯，炸魷魚圈味道唔錯，但可以更香脆，如果炸至金黃會更好，不過佢配上嘅sauce好好味。至於炸甜番薯，炸得好香脆，口感好好，番薯本身散出微微甜味，唔點茄醬都已經好好味。主食了西冷扒同埋carbonara, 西冷扒叫了6成熟，鐘意佢有鎖住牛肉肉汁，表面冇燶味，食落口感雖然未到好嫩滑，但唔算煙韌。carbonara好值得推介，sauce 有香濃芝士蛋黃忌廉醬味, 因為煙肉煎至香脆，同時令整個carbonara食落都有煙肉嘅煙燻味，味道整體有層次。今次我地冇叫到野飲，不過佢酒精飲品 16：00 － 19：00； 10：00－12：00都有係happy hr價錢，鍾意飲野嘅人應該幾啱去。