Hit the Road (Closed)

下午已經打左電話去book枱，七點半三位。店主話要九點鐘要交枱但係七點已經可以入座。去到同侍應講book左3位，點知侍應話我地打去嘅時候係book 2位。之後比左張2人枱加多張櫈比我，不過侍應態度尚算友善，同我地講左幾次唔好意思。過左無幾耐有張3人枱走左，侍應即時轉我地去張3人枱。Menu 只有A, B, C餐選擇。既然我地3個人，咁就3個餐叫晒！每個餐都包一個餐湯，一個主菜、一杯餐飲。個餐湯係南瓜湯，湯上面放片多士。南瓜湯唔夠creamy。而且帶有豆蔻味、感覺怪怪，南瓜味唔太濃。A餐白酒蜆肉意粉。(因為我唔食蜆，所以無食到)。B餐蜜糖雞扒配薯菜：雞肉唔算會太老、雞皮唔會煎得太濃，皮邊有小小脆唔錯。但係我認為蜜汁唔夠，多啲蜜汁會更好。C餐：雜菇炒意粉。意粉唔會太林，有少少黑椒少少辣味。總括而言，食物都係偏淡味。