花貝日本料理 (Closed)

Weekend 晏晝想食好d，出左銅鑼灣揾好野食～銅鑼灣呢帶一向都多高質日本餐廳，今日就去左禮頓道呢頭一間新開既日本餐廳 花貝日本料理～一出lift，已經覺得呢度好有氣派，店面大堂有日本温泉旅館大堂既感覺，有d位比人坐低除鞋換鞋，不過唔太清楚係邊度用，因為我地入去係唔洗除鞋🤣餐廳裝修日式得黎好時尚，高級既感覺。lunch set有唔同既野揀，除左壽司/刺身set、仲有西京燒魚、燒肉、和牛火鍋。好耐冇食過和牛，所以我就揀咗和牛配海鮮紙火鍋～午餐set首先有個好開胃既前菜，係魷魚仔水雲，水雲酸酸甜甜，非常清新好味，口感爽口👍之後就係刺身兩片，有我好鐘意既池魚，好新鮮～主菜來了，好吸引，海鮮紙火鍋好fancy。仲有麵豉湯、茶碗蒸。麵豉湯濃味得來唔會太過鹹，茶碗蒸好出色，蛋好滑好香，入面既料好彈牙～火鍋上面有花蛤、蟹柳、野菜、大菇、細菇，花蛤非常多汁，鮮甜！和牛有三大片，每片肉同油脂既分佈都好靚，見到肉紋都流曬口水。和牛牛味好香，口感軟得黎有咬口，正👍最後有甜品雪糕一球。有得揀豆腐同蕃薯味，我揀咗豆腐味，豆腐味嘅雪糕唔係四圍都有，好味！係一個完美嘅作結。