My Thai Bar & Restaurant

Open Now

Now Closed

東涌雖然比較偏僻，但係呢度有個outlet好多嘢行，而且朋友介紹，呢度附近嘅餐廳好有外國氣氛，咁就一於搵日嚟試吓同埋黎行街啦。呢間餐廳真係有泰國人侍應，而且坐喺近窗口位，望出去係一個好大嘅公園，真係好有喺異國嘅氣氛喎。呢個生菜包非常好食，平時食生菜包最驚佢有好多肥豬肉，佢唔會之餘又食落好香口，食完之後感覺更加開胃呀。我覺得呢間餐廳最值得讚嘅就係呢一個三味魚，平時好似好少見到呢一種煮法，佢一上枱嘅時候見到咁大條，其實有少少驚，因為驚會好多骨，但係竟然原來佢係冇骨嘅，小朋友都啱食啊。而且佢嘅魚肉又鮮味又彈牙，真係估佢唔到咁好食，而家諗返起都好想再食啊。呢個蟹肉炒飯都好正，佢嘅炒飯粒粒分明，而且蟹肉都夠多，食落香口又唔會太鹹，都係必試嘅item呢。最後佢嘅甜品拼盤都好正，椰汁糕同埋西米糕都係唔會太甜，為呢一餐畫上一個完美嘅句號。呢間泰國菜又正宗又抵食，而且環境仲一流添，我覺得好適合拍拖，或者遊車河入嚟食，我之後都一定會再嚟啊。