白鮨 (林肯大廈) (Closed)

星期六唻鰂魚涌開餐，特意行哂成條街睇哂先揀呢間唻試試。食晏時間人流唔多，全場只有兩枱人。2人獲安排坐喺對正壽司吧枱嘅圓梳化位置，好寬敞舒適。是日點咗豬骨拉麵及12件壽司嘅定食。拉麵普普通通，冇咩特別，勝在尚算夠熱。壽司定食套餐賣相一流，且件件都新鮮美味，飯唔會過酸，室溫，唔會凍冰冰，飯質新鮮唔會硬掘掘。唯獨附上喺旁邊細細件嘅蟹柳卷就麻麻地，紫菜淋哂，且過凍。麵豉湯幾足料，味道都唔錯，唔會偏咸。整體食物質素都唔錯，好明顯壽司較佳。價錢中上，店內環境寬敞舒適，店員服務良好。可惜店舖位置較偏。另外，倒算係生平頭一次食日本嘢居然要收茶錢每位10蚊，且只係一般又唔係有咩特別嘅綠茶。之後再要收加一。呢點係我唯一唔會再考慮再唻嘅原因。