灃味館

Open Now

Now Closed

首先嚟到，坐近魚缸位，話係海景位，當然冇海景，職員拎海鮮時，魚缸水會瀉出嚟，係瀉，唔係濺！傳嚟一陣渠味，想轉枱但話滿座，環境等如深水埗大牌檔，見到廚房地下污糟到同街市冇分別，接住係一連串胡椒龔鼻龔眼淚嘅鑊氣，敏感嘅人士請考慮，令人狂打乞嗤，個川味花甲，就係蒸完後每隻加一pet老干媽辣醬，真夠川，盛惠$358（未加一），鎮店之寶仲厲害，咕嚕肉啲汁唔掛肉唔均勻，笑出嚟，人參烏龍茶似係晏晝下午茶飲完返沖，茶介$20一位，雞油花雕蒸蟶子王陳村粉，蟶子王無鮮味，個菜名無包括嘅蛋白就最滿，盛惠$768，無花雕味，懷舊江南百花脆皮雞，其實係一塊街市現成蝦餅，$300，燒汁牛肋骨，將平時一舊嘅牛肋骨切到10片，然後個汁勁鹹， 又$288！龍躉蒸糯米飯淡而無味，盛惠$788，平均每人食咗$700，享受差過大牌檔。完。