Read full review
2021-11-02
235 views
好味指數😋😋😋回頭指數 ⭐️⭐️開心指數🤗🤗呢次食放題係朋友訂位嘅,因為係黃金時段,$239 一個人,加埋10%係$263 一個人!佢可以加$118 任食生蠔、海膽帶子、1664同朝日啤酒!另外仲有大閘蟹放題,冇特別留意價錢,好似$4xx,不過我哋覺得短時間內要不斷拆蟹好攰,都係食返基本放題,或者去到再睇下up 唔up grade!一開𨋢門,先嚇一嚇,原來咁細間嘅,都幾擠逼wor!見到咁嘅環境都唔想upgrade 啦!食返就咁日泰放題!呢間店係用手機落單,發現原來唔upgrade 的話,所有含有海膽嘅食物都「聲稱」售罄 !😤跟住有D 食物份量指示清晰,有D 又好唔清!例如佢有寫三文魚加州卷(件),呢個明丫,即係一小件,而軟殼蟹卷,又冇寫,個圖係一碟… 原來都係一小件😂當然先叫🍴刺身拼盤,見大部分人寫佢嘅珍寶赤蝦好新鮮,嚟到時又見到好一般,唔新鮮到有一隻係放棄咗冇食😔其他魚生亦都冇其他人寫得咁好,係好一般,尤其希靈魚,食得出完全唔太掂!成盤只有北海道角螺係比較okay!第一次食日式放題連個刺身拼盤都食唔完,擺咗好耐都唔想再食,叫人嚟收咗佢!!炸物相對比較正常,🍴八味黃金豆腐、🍴七味雞軟骨、🍴
回頭指數 ⭐️⭐️
開心指數🤗🤗
呢次食放題係朋友訂位嘅,因為係黃金時段,$239 一個人,加埋10%係$263 一個人!佢可以加$118 任食生蠔、海膽帶子、1664同朝日啤酒!另外仲有大閘蟹放題,冇特別留意價錢,好似$4xx,不過我哋覺得短時間內要不斷拆蟹好攰,都係食返基本放題,或者去到再睇下up 唔up grade!
一開𨋢門,先嚇一嚇,原來咁細間嘅,都幾擠逼wor!見到咁嘅環境都唔想upgrade 啦!食返就咁日泰放題!
呢間店係用手機落單,發現原來唔upgrade 的話,所有含有海膽嘅食物都「聲稱」售罄 !😤
跟住有D 食物份量指示清晰,有D 又好唔清!例如佢有寫三文魚加州卷(件),呢個明丫,即係一小件,而軟殼蟹卷,又冇寫,個圖係一碟… 原來都係一小件😂
當然先叫🍴刺身拼盤,見大部分人寫佢嘅珍寶赤蝦好新鮮,嚟到時又見到好一般,唔新鮮到有一隻係放棄咗冇食😔其他魚生亦都冇其他人寫得咁好,係好一般,尤其希靈魚,食得出完全唔太掂!成盤只有北海道角螺係比較okay!第一次食日式放題連個刺身拼盤都食唔完,擺咗好耐都唔想再食,叫人嚟收咗佢!!
炸物相對比較正常,🍴八味黃金豆腐、🍴七味雞軟骨、🍴日本番薯仔天婦羅、🍴芝麻炸雞翼係好食嘅~
佢都有D 泰式嘢食嘅,🍴泰式燒元貝、🍴泰式蝦餅、🍴泰式魚餅、🍴泰式酸辣鳳爪、🍴泰式生蝦,都算唔錯!
甜品呢~ 好似好多選擇,樣樣都細細杯,不過味道就好一般!如果你係食榴槤的話,佢嘅榴槤糯米糍係okay,同埋榴槤雪條都幾香幾好味!
因為所有嘢賣相好一般,所以都冇咩心機再影相!見場內大部分人都食大閘蟹,可能大家都勁專注用心食蟹,對其他嘢要求唔太高吧!
店員會攞住一個大鐵碗收碟,因為張檯細,都算收得幾快!呢間其實都幾多人食,直頭連一出電梯位填寫安心出行張檯都開埋嚟俾客食嘢,我又真係估唔到有人肯坐!做人真係咁冇要求咩?🤷♀️
其實咁樣嘅價錢,會有好多其他選擇,可以坐同食得更舒服嘅,食物質素更好嘅!用放題價錢只有炸物同幾款泰式嘢… 加埋唔夠10款好食,性價比就比較低,應該唔會再返嚟食~
Post