Maison Du Mezze

東涌呢間地中海菜餐廳，氣氛非常輕鬆，裝潢充滿地中海風情，令人一踏入就感受到濃厚嘅異國風情💃💃💃首先試咗Mix Hummus Platter🥠呢個拼盤非常豐富，內有多款口味嘅鷹嘴豆泥，包括原味、紅菜頭味、番茜🌿、黑松露味。每款鷹嘴豆泥都非常滑溜濃郁，配搭埋自家製嘅薄餅，口感非常豐富。跟著試咗Shrimp Fatteh，呢道菜用上新鮮嘅蝦同薄脆餅底，再加上濃郁嘅酸奶同香料調味。蝦肉非常鮮嫩，帶酸奶嘅香味，味道有層次。Fish Kabsa係一道非常有特色嘅菜式，用上新鮮嘅魚🐟同地中海風味嘅香料一齊煮。魚肉非常嫩滑，香料嘅味道滲透每一吋魚肉，配埋米飯🍚飲品方面，我揀咗Passionfruit Yakult，呢杯飲品用上新鮮嘅熱情果同益力多，味道非常清新。另一杯揀咗Ginger Berries，有莓味同生薑調味。