牛魔 (Closed)

平安夜唔知食乜好，一行六人行到棉登徑，經過一間新開既燒肉店，俾幅靚画吸引左，話係一個好岀名既外國画家白手画既（聽完都唔會記得既名）見walkin 都得，咁就膽粗粗入去試下。。。簡約時尚裝修，加埋音樂，幾relax, 佢唔同一般燒肉店會有個抽油煙既吊住喺天花，問過侍應，油煙係向下抽走，所以唔會食到成身都燒肉味呢個設計好窩心，俾個讚先Menu 就得兩個，有set, 有散叫(後面仲有，唔記得影)價錢唔算貴，尖沙咀我覺得可以接受)我地叫左2個set前菜無乜特別，沙律菜好新鮮，汁都ok, 如果多啲松子就仲好和牛最正五花腩燒岀黎一啲都唔肥，好爽口。雞扒都普通，羊架都可以。泡菜煎餅ok, 我麻麻地辣嘢，海鮮煎餅啱我多啲，都好多料薄牛同雞蛋係絕配，海膽牛肉刺身我唔敢食咁生，但老公話好食仲有個牛魔終極拼盤，唔記得影相，有牛脷同幾款牛肉，不過唔知係乜，如果有説明就更好了。我係一個飯桶石鍋伴飯好好味，有得簡牛or雞。仲有櫻花蝦粟米餃子，勁好味，好juicy好多涵。最後有雪米磁送。新開未有酒牌，如果一路食一路飲就最正了，下次再黎時可以試下了。最後我都探下個廁所，新裝修一定乾淨，竟然用tempo 紙巾哈哈可以有