肥仔記麵食

Open Now

Now Closed

今日天氣較寒冷，決定中午出黎食碗熱麵。之前經常都會經過，聞到陣香味，所以都毫不猶豫咁決定黎呢度食。入到黎叫左套餐，雙拼牛腩魚皮餃米粉，加腐乳通菜，通菜較油，但可接受。麵到左，好香賣相亦好好，但問題來了，一開始食了幾啖已經見到眼睫毛痴係米粉上，(其實成碗唔止一條毛髮)，見到第一條都覺得呢種粉麵店會有這種情況十分普遍，只係將佢夾走，之後食到中間，再有一條疑似較長的眉毛，當時都算，將個啖麵抽起。再食多一啖，今次係男性短髮，之後我整碗都唔敢食！老實說，麵的質素不錯，性價比高，環境都算乾淨，但我未試過食一種食物可以有咁多毛髮。。怕怕