Video
Read full review
2016-06-01
372 views
個晚約左個好耐無見既舊朋友食飯，咁耐無見，加上大家對食都有D要求，所以就決定揀返間食物同環境都好D既餐廳，可以邊食邊傾計聚舊，最後就搵到Li間評價不錯而且地點就腳既餐廳。餐廳地下係酒吧，上一層就係餐廳，餐廳既氣氛幾有情調，夜d仲會有live band show，好岩朋友或者男女朋友係特別日子黎慶祝。香煎北海道鮮帶子沙律配青檸油醋汁 $148女仔都係想食得健康少少，一餐入面點都叫返個沙律先。本身叫佢都真係為左想食D菜，但估唔到都幾有驚喜！帶子Size都幾大粒，煎得岩岩好，外面煎香而入面仲係非常嫩滑！沙律菜用青檸油醋汁調味，酸酸地好開胃，能夠引起食慾，用黎做一餐既開端真係最適合不過啊！法式龍蝦湯 $68湯方面我地兩個都一樣揀左要龍蝦湯，龍蝦湯濃稠程度適中，味道濃郁，湯內有細細一件龍蝦肉，肉質都還算爽彈。附上既蒜蓉法包亦值得一讚，口感好香脆，而且有好香既蒜蓉味，用黎點湯食既效果一流！香蒜辣椒欖油煎大蝦 $118雖然講明係有辣椒，但其實辣度輕微到其實唔係好食得出，就算係唔食得辣既朋友都絕對唔洗擔心。用左橄欖油將大蝦連同蒜片一齊煎熟，聞落蒜香撲鼻，食落亦都非常惹味。但大蝦係用仍然有滾油既鐵鍋盛載
咁耐無見，加上大家對食都有D要求，
所以就決定揀返間食物同環境都好D既餐廳，
可以邊食邊傾計聚舊，
最後就搵到Li間評價不錯而且地點就腳既餐廳。
餐廳地下係酒吧，上一層就係餐廳，
餐廳既氣氛幾有情調，夜d仲會有live band show，
好岩朋友或者男女朋友係特別日子黎慶祝。
香煎北海道鮮帶子沙律配青檸油醋汁
$148
21 views
1 likes
0 comments
女仔都係想食得健康少少，一餐入面點都叫返個沙律先。
本身叫佢都真係為左想食D菜，但估唔到都幾有驚喜！
帶子Size都幾大粒，煎得岩岩好，
外面煎香而入面仲係非常嫩滑！
沙律菜用青檸油醋汁調味，
酸酸地好開胃，能夠引起食慾，
用黎做一餐既開端真係最適合不過啊！
法式龍蝦湯
$68
15 views
0 likes
0 comments
湯方面我地兩個都一樣揀左要龍蝦湯，
龍蝦湯濃稠程度適中，味道濃郁，
湯內有細細一件龍蝦肉，肉質都還算爽彈。
附上既蒜蓉法包亦值得一讚，
口感好香脆，而且有好香既蒜蓉味，
用黎點湯食既效果一流！
香蒜辣椒欖油煎大蝦
$118
15 views
0 likes
0 comments
雖然講明係有辣椒，但其實辣度輕微到其實唔係好食得出，
就算係唔食得辣既朋友都絕對唔洗擔心。
用左橄欖油將大蝦連同蒜片一齊煎熟，
聞落蒜香撲鼻，食落亦都非常惹味。
但大蝦係用仍然有滾油既鐵鍋盛載住上枱既，
係繼續被滾油煎烘既情況下，
到食既時候蝦肉就變得有D過熟。
而且食到尾既時候可以見到鍋底有厚厚既一層油，
雖然橄欖油都比較健康，但始於都係油膩左D，
如果可以改善到Li兩點就會更好啦。
西班牙辣肉腸煮澳洲藍青口
$128
20 views
0 likes
0 comments
隻隻藍青口都大大粒，夠哂飽滿厚肉，
肉質既鮮嫩程度亦都係香港難得食到既級數！
味道方面，青口已經完全將醬汁吸收哂，
食落好有酒香，我非常中意啊！
另外肉醬既味道濃郁，辣肉腸亦好有咸香，
但其實同白酒煮青口有D唔夾，而且會有點蓋過左青口既鮮味。
反而將兩者分返開，用辣肉腸肉醬點法包食仲會更加好呢。
手拆時鮮蟹肉蟹黃鮮海膽自製意大利粉
$188
13 views
0 likes
0 comments
見到Menu上有款用海膽同蟹肉烹調既意粉，仲寫明係限量供應，
我同朋友都覺得好吸引好想試！
一問店之下知道當日仲未售罊，
諗都唔洗諗就決定揀佢黎做今晚既主菜啦！
成碟意粉正中間有一大件海膽訓係到，賣相滿分！
意粉既湯汁比起一般出面食到既偏多，
加上有蟹肉同蟹黃，食落竟然有D中式湯麵，
會有種中西合壁既Fusion菜感覺。
海膽質感軟滑，味道鮮甜。而意粉係餐廳自家製，非常幼身，
由於長時間浸住係蟹湯入面，麵條口感比較淋。
但亦都係因為同樣既原因，每啖意粉都吸收到濃濃既蟹黃湯汁。
不過蟹肉既份量雖然唔少，但味道就唔太突出，
另外我個人覺得如果湯汁可以少D同埋意粉麵條有返D口感會更好。
總括黎講我同朋友對今餐都算滿意，
整體水準都係中上，菜式幾有創意幾特別，
而最驚喜既係佢地對海鮮類食材既處理同烹調手法都好出色，
滿足到我同朋友奄尖既嘴同胃，
而且餐廳既感覺好Relaxing好岩傾計，可以再Encore。
Post
