小南國 (Closed)

因為想食上海野，所以見到有小南國就上咗去等位～上到去見到環境幾好～暗暗地，重有得望海～如果有煙花睇真係一流～食親上海野我都例牌會叫糖醋小排骨～佢地既糖醋骨甜味較重～肉質比較淋，只要輕輕一夾，肉同骨就會分開～而且好入味～小籠包～皮薄餡靚～入面充滿肉汁～雖然好油，但好香～由於皮太薄，所以要好小心甘夾起～唔係就會流晒啲肉汁～蟹粉豆腐～清淡既豆腐撈滿蟹粉～食到好香既蟹膏味～豆腐亦夠滑～好好食～～重有菜膽雲呑雞～味道較清淡～湯底唔會太油～味道鮮甜～份量算多～2個人飲唔晒～尖咀店比其他分店環境優勝好多～值得一去～