Dodam Chicken (利舞臺廣場)

Open Now

Now Closed

同屋企人慶生,就諗不如一齊去食炸雞,反正母親大人怎少去試新嘢。唔知係唔係做緊裝修關係,如果響後門入,都要兜少少路生上到去。餐廳環境算唔錯吖,可能因為平日夜晚,餐廳唔算full.我地4個人叫左4樣嘢,咁都唔算好過份吖!第一款叫左嘅係招牌甜辣芝士無骨烤雞,我食到嘅感覺係辣,有很大的一片芝士,做到拉司嘅效果,而雞嘅口感算是幾滑。而第二道菜就係芝士年糕拉麵,我覺得佢上枱嘅賣相唔係咁靚仔,同餐牌見到個樣有啲落差,唔知係唔係因為主打芝士緣故,味道同烤雞差不多,唔係咁特別。第三道菜就係 kimichi pizza, pizza 的口感頗鬆脆,尚算足料,但就沒什麼大驚喜,感覺就是同kimichi味道唔係好夾到。而最後一道菜就係蜂糖牛油脆雞,響咁多道菜入面我最愛的一道,因為可能係之前食左好多辣嘢,所以食番甜嘢可以緩和一下啦,肉感亦都算係嫩口。整體黎講,覺得如果想響銅鑼灣食炸雞,呢間都可以推介一下,因為環境都算清靜,而且食物質素都算不錯。如果大班人黎慶生也是不錯的選擇。