Sky726

上樓餐廳雖然唔似得大商場咁五光十色，但上樓相對租平，用較平價錢食到好嘢的機會相對較大。今晚呢間西餐又係一個好例子。濃郁奶油蠔湯伴魚子醬一句講曬，蠔味爆燈! 配簡單牛油麵包食更加係食到停唔到口。脆炸魷魚圈配他他汁及雞尾汁魷魚圈咬落唔韌，熱辣辣、脆卜卜、唔油膩... 香煎蟹餅伴藜麥蒜泥蛋黃醬有相你睇，蟹餅外層脆卜卜，切開裏面大量蟹肉，絕無偷工減料， 啖啖肉，無得輸 !燒慢煮16小時辣豬助骨外酥內嫩、入口即化。意大利手卷意粉伴野菌、辣肉腸及巴馬臣芝士意粉做到 Al Dente, 辣肉腸嘅鹹香、微辣跟 Parmesan Cheese 非常配搭。