火鍋撚 (雲明行) (Closed)

原來星期一至四嚟到，湯底嘅食材可以任refill真係好正😍我哋揀咗蜂巢豆腐白湯鍋，湯底藥材味唔算好重，入口甘甜，Order呢個湯底，可以refill嘅有台式鴨血和蜂巢豆腐，豆腐充滿彈性，非常吸湯，每啖食落去都咇汁，啖啖都飲到濃郁嘅白湯，好正🥰火鍋材料方面我哋食咗 極品安格斯肥牛（大）、出前一丁和手打雙重芝心丸，肥牛採用牛小排嘅位置，入口香濃牛味、油花四濺，好嫩滑！芝心丸香口彈牙，食嘅時候要小心啲，真係好流心。最尾滾番個出前一丁，吸收湯底精華🥰小食嘅椒鹽九肚魚，即叫即整，上到枱仲係熱騰騰，炸蒜味超香，高質！最後仲有得贈送腐竹雞蛋沙冰添，唔會太甜，好特別！