Boire et Manger (Closed)

今日黎到灣仔既Boire et Manger，朝早食係食法國菜既，夜晚轉左menu食日式串燒，咁特別一定要黎試下！✨鯛魚濃湯本身以為會係濃厚質地既湯，但上到黎望落去清清地咁，質地比較清爽輕身。但入口鮮魚味瞬間噴發，味道好夠鮮甜，一啲都唔會腥！✨京蔥炒牛舌片京蔥炒到熟透哂，食落唔辣仲好甜！牛舌片份量都多，嚼開之後，肉汁爆發出嚟，肉質好軟嫩，唔會過分咬唔開，食落幾滑！✨燒白鱔白鱔燒到啱啱好，啲鱔皮香脆有嚼勁，而啲鱔身就好入味、好鮮甜，同時有啲微焦嘅味道。撳啲檸檬汁落去，酸酸地既味道感覺清新就更加正！✨蒲燒三文魚腩啱啱一上嚟，見到啲三文魚腩燒得啱啱好，金黃色嘅焦糖色澤，簡直就令人垂涎三尺。啲三文魚腩呢啲部位嚟講比較肥美，啲肉質好滑嫩，而啲魚油醇香呢，自然帶出啲魚肉嘅香氣。加埋啲醬汁，味道更加濃郁，好入味呀！✨燒雞肝雞肝經過炭烤之後，呈現深啡色嘅外表，好似焦糖咁香。而且烤得啱啱好，外層焦脆，入面嘅肝味醇厚，口感嫩滑好咬，而且唔會太血腥。最特別嘅係啲肝味裏面有啲淡淡嘅焦糖味，令味道更加層次分明。