Dan Ryan's Chicago Grill (海運大廈)

Open Now

Now Closed

海港城呢間Dan Ryan屹立不倒，對我黎講充滿回憶。今日同朋友係附近買完野，就黎食個午餐。餐廳係傅統的美式裝修風格，部份靠bar枱位置仲可以欣賞到維港海景，十分寫意。午市的lunch set選擇都幾多，仲包餐包、鬆餅、沙律/餐湯和飲品。餐包暖暖地又夠軟熟。最好食當然係呢個鬆餅，不會太甜，好香蛋味，好似係鋪頭每日新鮮自制的。我地揀左✨️烤雞墨西哥夾餅夾餅表面烤到微脆，而且入面好足料。大大塊的烤雞塊加上青紅椒洋蔥等蔬菜，最正係加左好多芝士，食落去好滋味。✨️8oz炭烤封門牛柳封門柳好矜貴，每隻牛得一條。牛柳表面烤到帶微微焦香，中間帶粉紅，火喉剛剛好。食落肉質軟，牛味好濃，質素幾高。餐廳的侍應都熱情有禮，食物保持到一貫的水準，而且價格合理，值得再黎。