La Barra Tapas Spanish Restaurant

Open Now

Now Closed

今日放工同老公去咗長沙灣撐枱腳，佢之前一路話想食🇪🇸西班牙炒飯，上網搵到哩間西班牙餐廳，試下好唔好食先。餐廳雖然唔大，但都坐得舒適。裝潢簡潔唔花巧，給人悠閒放鬆嘅感覺。1️⃣ 松露蘑菇可樂餅、蟹肉可樂餅 $18@雖然唔知咩叫可樂餅，但網上見到咁多人推介，當然要一試。一試返尋味，外皮香脆鬆化，松露香濃，蟹肉都好鮮甜，加上醬汁，非常可口。2️⃣ 傳統煎蛋餅配辣肉腸 $88第一次食，味道不錯。蛋味好香，中間夾有細細條嘅薯仔，口感特別，辣肉腸令蛋餅味道昇華。3️⃣ 西班牙海鮮飯 $248今晚嘅重頭戲！飯汁帶有好香濃嘅龍蝦味道，鮮甜惹味，超開胃！飯有嚼勁，煮到al dente嘅口感。略嫌蜆有沙同蝦細隻咗小小。4️⃣ 西班牙油炸鬼 $68亦係我老公嘅至愛，由識佢開始，一去西班牙餐廳，佢都會嚷著「我要churros！」賣相十分吸引，未食已經聞到好香嘅肉桂味，油炸鬼口感略嫌軟身咗少少，如果可以煙靭啲會更好食。除咗朱古力醬外，佢仲配有雲呢拿雪糕，我同老公都比較鍾意雲呢拿雪糕。5️⃣ Damm Lemon Cider $58見佢係西班牙出產就叫嚟試吓。酒精只得3.2%，味道好清，帶淡淡檸檬香味，好適合女士飲。好彩我哋早到，食