佐楽 (Closed)

今次已經係第三次黎食，因為心心念念佢既和牛佐楽係Times Square後面既Oliv,環境寬敞舒適，同隔離枱有足夠空間，不過最鍾意都係坐廚師枱，可以睇住師傅預備食物係賞心樂事（不過只限日本菜🙂）食物既種類絕對係貴精不貴多，原則上每道菜都令人滿意。叫清酒🍶飲會俾杯你揀，次次都唔知揀邊隻好，有選擇困難症😅清酒方面都有至少五六隻選擇，有甜嘅有苦有辛口嘅，份量有一合目即係180ml，如果飲得多佢有價錢係任飲唔同既清酒，咁當然想飲再靚少少既亦有成枝咁叫既明太子薯條，熱辣辣食餸酒一流-燒明太子，試過幾間日本餐廳嘅燒明太子，佐楽嘅明太子係真係燒得最好食，唔會有種腥味，同埋真係做到外面脆入面軟，唔會一舊粉咁唔記得咗係邊度嘅生蠔，但係廚師推介至一，好鮮甜-清酒煮扇貝，呢個扇貝好鮮甜好大粒，加埋蔥好香真係成碗飲晒-酒盜芝士，呢個係真係要一啲地道既日本餐廳先至會有嘅菜式，一般係飯前或送酒食既，幾開胃-和牛他他，薄切再加埋醬汁，人生一大享受😋牛既味道亦都好出其實仲有食埋鐵板和牛，但係因為太好食完全唔記得影相😅建議食譚鐵板唔好食吉列，因為上次食吉列牛太熟，反而浪費左塊牛肉。仲有佢嘅鯛魚茶漬飯仲攞過獎㗎，不過今