Bluebird Coffee (上環) (Closed)

夜晚同男朋友入左間Cafe食啲輕食。Cafe有樓上雅座，除左有普通座位，仲有個要除鞋既地方可以坐，可以對住街景，好舒適架。芝士菠菜酥幾鬆脆，成個配搭好夾，幾好食。煙三文魚三文治個包幾脆，唔係硬到咬唔到個啲，煙三文魚都幾嫩滑，唔錯。藍莓鬆餅比較普通，味道正常，唔太甜，口感偏乾。紅豆抹茶蛋糕配鮮奶布甸好精緻，蛋糕有餅底架，一層一層口感好豐富。鮮奶布甸係彈牙個種，仲有抹茶雪糕同布朗尼粒，一次過滿足晒。Espresso Tonic (Short) 好靚仔，味道等於飲緊有氣版既espresso。