Video
Read full review
2022-06-18
1845 views
呢日四人行食泰菜🇹🇭🔸冬蔭公湯Tom Yum Goong 酸辣度啱啱好湯料嘅蝦幾大隻彈牙🔸精選拼盤 Appetizer Platter 春卷: 炸得夠香脆，配附生菜，點埋泰式魚露食👍🏻大蝦米紙卷: 清清哋，要點一點魚露提味炸魷魚: 魷魚軟滑，不過炸漿硬咗啲沙嗲雞串燒: 沙嗲醬香口，惹味，有咬口(食到花生粒㗎🥜～～)，不過食得辣嘅朋友可能會嫌唔夠辣炸魚餅: 略欠泰式風味，建議可以加多啲泰式香料🔸青檸酸辣汁蒸魚Thai Style Steamed Fish with Chili and Lime Sauce個汁酸酸哋，微微辣，有陣青檸香味，好開胃魚肉嫰滑除咗味道，溫度都值得讚～條魚好夠熱～🔸紅咖喱燒牛肋骨Thai Red Curry with Bone-in Beef Short Rib 個紅咖喱味有少少偏甜牛肋骨煮得非常淋，輕輕力就可以將骨肉分離，不過，淋到懷疑自己係咪食緊牛肉🤔配菜搶哂fo，大家爭住食D泰國綠圓茄同豆豆😅🔸油酥餅 Roti煎得香脆又唔油膩，內裏鬆軟點紅咖喱汁食，perfect match，呢個又係搶住食～ 🔸泰式火車頭和牛炒飯Fried Rice with Wagyu
🔸冬蔭公湯Tom Yum Goong
酸辣度啱啱好
湯料嘅蝦幾大隻彈牙
🔸精選拼盤 Appetizer Platter
春卷: 炸得夠香脆，配附生菜，點埋泰式魚露食👍🏻
大蝦米紙卷: 清清哋，要點一點魚露提味
炸魷魚: 魷魚軟滑，不過炸漿硬咗啲
沙嗲雞串燒: 沙嗲醬香口，惹味，有咬口(食到花生粒㗎🥜～～)，不過食得辣嘅朋友可能會嫌唔夠辣
炸魚餅: 略欠泰式風味，建議可以加多啲泰式香料
🔸青檸酸辣汁蒸魚
Thai Style Steamed Fish with Chili and Lime Sauce
個汁酸酸哋，微微辣，有陣青檸香味，好開胃
魚肉嫰滑
除咗味道，溫度都值得讚～條魚好夠熱～
🔸紅咖喱燒牛肋骨
Thai Red Curry with Bone-in Beef Short Rib
個紅咖喱味有少少偏甜
牛肋骨煮得非常淋，輕輕力就可以將骨肉分離，不過，淋到懷疑自己係咪食緊牛肉🤔
配菜搶哂fo，大家爭住食D泰國綠圓茄同豆豆😅
🔸油酥餅 Roti
煎得香脆又唔油膩，內裏鬆軟
點紅咖喱汁食，perfect match，呢個又係搶住食～
🔸泰式火車頭和牛炒飯
Fried Rice with Wagyu Beef, Tomatoes, Chinese Kale and Fried Shallot
雖然和牛粒熟咗啲，不過個飯炒得幾香
落埋配附嘅魚露汁，更惹味
🔸荔枝青檸梳打 Lime & Lychee Soda
平時多數見淨青檸梳打，呢杯多埋荔枝果肉，多咗陣淡淡嘅荔枝味
🔸椰林飄香 Pina Colada
沙冰飲落有椰香味又帶陣淡淡嘅菠蘿味
沙冰好夠凍，飲品係最先上枱，一路食嘢一路飲，最後食完嘢再飲埋剩番嘅都仲飲到沙冰👍🏻(有啲店舖嘅沙冰好快溶，未食完嘢飲，已經係冇晒冰)
飲品甜度適中
杯邊嘅菠蘿好甜
呢到嘅泰菜整體都落咗唔少泰式香料，夠泰式風味，而且味道唔錯
👍🏻特別推介
✨“青檸酸辣汁蒸魚” (連平時唔食魚嘅朋友都夾完再夾😋)
✨”椰林飄香”🍍🥥
Post
