薈麵館

Open Now

Now Closed

好多朋友介紹呢一度食佢嘅小菜，因為又有點心又有好出色嘅叉燒。見佢都有幾個餐牌下午茶嘅話真係好抵，晚餐時間唔係好多人所以真係坐得好舒服。呢度有好多唔同嘅套餐而且仲好平，見到原來隔離都係佢哋嘅酒樓下次可以試吓去飲茶。蛋白薑炒飯，飯粒粒粒鮮明，加上薑蔥和菜粒，絕對不油膩。明火白粥，軟綿綿可口。叉燒撈麵，自家燒製叉燒，肥瘦分明，口感軟滑，秘製醬汁，面底爽滑，加上兩條芥蘭菜，完美配搭，味道恰到好處。叉燒嘅份量好多所以好足夠。呢個價錢都幾大碗同埋抵食。白灼生菜，清嫩爽口，分量足夠。唔會有爛嘅情況平時出去食中菜都有少少唔新鮮呢一度嘅品質果然控制得唔錯。紅豆沙：自家製，火候十足，加上粒粒蓮子，甜度適中，紅豆起沙。雪耳木瓜糖水，南杏木瓜雪耳糖水，南杏粒粒可見，雪耳爽脆，木瓜軟綿，好有，木瓜香味。呢間餐廳雖然位置比較偏僻，不過勝在食物水準好高而且店員服務都唔錯。