Seoulmate (MONTEREY Place)

Open Now

Now Closed

見到social media人哋個影咗個火山咁趣怪，真係好好想試！嚟咗呢間seoulmate睇，環境好大👍🏾，如果好彩少人仲有機會坐到窗邊超級舒服嘅梳化位同躚踿位🤩﹗烏卒卒火山飯($158)外表的確好igable好得意😛，其實佢係燒汁豚肉炒飯，出面係冇咩味嘅蛋白，有啲似梳乎里嗰種質感，整體覺得主要係外表真係吸引，飯底味道驚喜不大，燒汁味為主，加埋出面個蛋白口感都幾少見。泡菜煙三文魚他他 配炸脆球 $88 （小推介）比起火山，小編更鍾意呢款小食，估唔到泡菜同三文魚都幾夾💫，泡菜味好突出開胃，酸味出，唔會好辣，煙三文魚係後勁多啲，第一下泡菜嘅味好醒神，脆球嘅口感係偏硬脆嗰種，唔會覺得好油，而且仲有無糖乳酪加落去，口感再Creamy啲又唔會覺得甜，和返泡菜嘅酸味﹗兩個人share每人三粒都好輕鬆😳﹗芒果雪山 $48其實係芝士奶蓋配芒果奶昔嚟嘅🤤﹗48嚟講唔算好大杯，不過賣相都幾靚，飲落口感係濃稠嘅芒果奶昔味🥰，芒果味唔會太價，稍稍偏甜少少，如果慢慢坐喺度飲下都唔錯。