Video
Read full review
2020-01-21
424 views
今日約左朋友黎到黃埔呢頭，就想食d小菜，飲返兩杯酒，傾下計咁，經朋友介紹下，就去左街市呢到，上到四樓，一行入去就有好幾間舖係到，共用一個大場地，但佢地都劃分得好清楚邊到打邊到，去到時，時間大約七點到，已經都有好多人下，可以話係full場咁濟，本來呢就諗住食一入去直行果間，但幾咁full下都唔知點好，而呢個時候永發既伙記就主動黎問我地幾多位，就係咁我同d朋友又無乜所謂，就揀左呢間“永發海鮮飯店”。先講環境，衛生程度ok，係街市頂樓都算ok，雖然多人，但又唔會話好焗，又唔會話特別好嘈，有d大排擋既感覺。餐牌上好多菜式都有，淨係腦海中諗起d常叫既菜式都有。咁佢始終都係海鮮飯店，伙記黎到時，見我地仲諗緊食乜好，都係到sd我地食佢地既海鮮，但無奈我朋友唔係咁好海鮮，所以我地都係叫返我地想食既野。三個人，點左個粟米魚炙羮，啫啫通菜煲，椒鹽九肚魚，蔥油雞半隻，同埋沙拉骨。“係到特別一讚就係，伙記係會因應我地點餐既情況，而推薦我地食咩，例如初初佢sell我地食蝦，我地唔好喇，佢再sell.我地食蟹，又例如最後點晒後，諗住叫多個菜時，佢見我地無乜肉，都會sell我地食沙拉骨，牛仔骨咁。”我覺得呢方面，十
先講環境，衛生程度ok，係街市頂樓都算ok，雖然多人，但又唔會話好焗，又唔會話特別好嘈，有d大排擋既感覺。
餐牌上好多菜式都有，淨係腦海中諗起d常叫既菜式都有。
咁佢始終都係海鮮飯店，伙記黎到時，見我地仲諗緊食乜好，都係到sd我地食佢地既海鮮，但無奈我朋友唔係咁好海鮮，所以我地都係叫返我地想食既野。
三個人，點左個粟米魚炙羮，啫啫通菜煲，椒鹽九肚魚，蔥油雞半隻，同埋沙拉骨。“係到特別一讚就係，伙記係會因應我地點餐既情況，而推薦我地食咩，例如初初佢sell我地食蝦，我地唔好喇，佢再sell.我地食蟹，又例如最後點晒後，諗住叫多個菜時，佢見我地無乜肉，都會sell我地食沙拉骨，牛仔骨咁。”我覺得呢方面，十分滿分，我比足11分佢，真係有認真從客人角度出發呢。
好喇講返d菜式，全部都不過不失，無一樣野係唔會食唔落口，全部都ok，若要姚小小野黎講，係葱油雞感覺差小小，唔夠入味，不過整體來說都係接受範圍以內。
成個場，我無認真數過，應該有三個店到，而呢間偠錢比價適中，但對於我同我朋友最為滿意係，酒水比較平宜。如果比我再黎，我諗都會再次幫襯佢地，我覺得係呢d地方食野最緊要夠舒適，同唔好咁焗，呢到就比到呢個感覺我。
三個人連埋酒水總消費$450，每人大約$150（其實係我地叫得多左，少一個餸就岩岩好，而家係好飽，好飽）
Post
