永發海鮮飯店

Open Now

Now Closed

同事生日一圍十個人去咗紅磡熟食中心叫成十一二樣嘢 樣樣嘢碟頭都好細椒鹽鮮魷嚟到得八件 完全唔夠分炒飯炒麵都係茶記一人碟頭份量成餐加咗幾次單但碟頭太細真係食唔飽散場後啲男同事各自返屋企食宵夜如果佢哋係政府地方收咁平嘅租金但賣嘅嘢咁貴 真係完全唔值

叫左5樣送，砵酒桶豪$168，豉汁倉魚$148/ 應該斤4左右，椒鹽鮮魷$108，蒜蓉正元貝，1隻蔥油雞，除咗頭兩樣正常，其他都吾得，鮮魷overcook又硬又乾，似吊片多過鮮魷，真係又硬又乾，元貝$45/1隻冇豉油得蒜容，又細隻，我哋用左雞既豉油代替，隻雞先最離譜，$198/ 1隻， 好明顯隻雞冇醃過，冇味，就係蒸熟隻雞，切定係度，人哋叫白切雞，就就咁出，人地叫蔥油雞就淋豉油，文記我都食過，不是話很好食，最小都叫正常，這間直頭離譜，我即睇YouTube 學，都應該會整得好食過那廚師

今晚有人話懷舊下懷念下呢度嘅撚手小菜所以專登揀呢一間街市小炒，記得上一次嚟可能已經係四年前。六個人梗係江湖規矩嗌六個餸啦，我哋嗌咗咕嚕肉、蔥油雞半隻、豉油王鵝腸、粟米斑塊、豉椒炒蜆同埋金銀蛋白菜仔，在家三碗白飯一本潮州粥，當然唔似得汽水同埋藍妹啦，合共$660，即係每人$110，真係又抵食又好食。咕嚕肉蔥油雞豉油王鵝腸粟米斑塊豉椒炒蜆 (唔記得影相)金銀蛋白菜仔六樣嘢當中蔥油雞同埋豉油王鵝腸有超水準表現，其他嗰四樣都好夠鑊氣好好味，難怪呢度成日都咁旺場。

餸菜表面是好食的, 但食完會口乾24小時. 廚師落大量味精, 建議不要光顧. 其實這間廚藝沒有問題, 蒸煮時間也可接受, 但為什麼要落極多味精, 另客人口亁24小時不舒服呢?

好耐無黎紅磡啦，今晚約左舊同事dinner，揀左佢屋企附近既市政熟食中心，佢大讚呢間永發海鮮飯店，話要帶我黎試下秘製蔥油雞~免費餐前小食有酥脆十足既花生。酥炸窩貼鮮蝦小棠菜兩面金黃色，鬆化香脆，炸得岩岩好不油不膩。以彈牙蝦膠配上嫩綠小棠菜，再沾上脆漿炸脆，入口相當鬆軟，外脆内綿，唔易散開，好香口。秘製蔥油雞用料簡單，主要突出雞肉同蔥油既鮮香味，啖啖肉雞件嫩滑，醃得入味，鮮美多汁，肉質香而不膩，入口清新而且蔥香滿溢。豉汁蒸倉魚老闆娘推介是日倉魚夠新鮮，揀左豉汁蒸，簡單好味。魚肉鮮味又滑溜，無魚腥味，魚背輕切一刀再蒸令豉汁更為入味。

有朋至遠方來當然要取消我的休眠時間，滔滔午間飯聚返樸歸真食餐住家菜，美味到破戒消滅兩大碗飯，罪過罪過！唯有絕食廿小時補償一下。木瓜豬骨湯，油而清淡只飲兩口放棄。嬸嬸免費送例湯，見 餐牌寫住只可以餐茶或例湯二選一，多謝多謝。青紅蘿蔔豬骨湯，平淡可口的味道一飲而盡，秒殺合格。鱆魚蓮藕湯，豆味特濃清甜可口，鱆魚味道不太強烈。西洋菜豬骨湯，散發味精的味道，清清淡淡的，不太想飲，免強灌下一碗半落肚。菜遠牛河，菜芯極高質，任何部位都爽嫩甜美多汁堅好食！微鮮嫩牛片走過油特別香口，鬆軟滑溜溜味濃蠻不錯！河粉炒功一流有鑊氣，先將河粉跟玻璃芡及辣椒醬一擁入口，熱燙燙河粉結實滑溜不散筲筲非常完整，夾起可以一氣呵成地消滅，掛上牛肉齊齊趙更添風味！梅菜扣肉飯，質素味道始終如一，食得出外購貨不是自家製，只有少量梅菜未能滿足到我，整體味淡不夠甜美不夠咸香。沙嗲金菇肥牛粉絲煲，熱就好夠熱但鑊氣微弱，甜味濃厚，食不到的辣味，滿意的。梅菜蒸肉餅，蒸餸必須耐心等候，製作需時十幾廿十分鐘。梅菜圍邊鋪底，並沒有跟豬肉混和，乾爭爭又有骨，豬肉勁多肥豬肉，免強入口。蓮藕炆腩仔，估唔到炆得色香味俱全，只是略為肥膩一丁點。豬皮膠彈鬆軟

今日去完紅磡觀音廟借庫，一如以往要搵野食😆 附近都多好野食，但老人家就係中意食中菜，上OP搵左間平平地既大排檔，就係紅磡市政大廈樓上，不賣裝修，只賣食物質素😆.簡單叫幾個小炒就知功夫，叫左「黑椒牛仔骨 $98」、「西蘭花班腩 $78」、「啫啫田雞煲 $75」同「滑蛋牛肉飯 $48」，大排檔小炒有鑊氣就一定架啦，主要係份量都算ok,味精唔算勁，起碼食完唔使灌水，牛仔骨用豉椒爆炒痴青椒洋蔥等，牛仔骨算細骨多肉，味道比較濃味D, 西蘭花班腩價錢幾平，班腩炸得幾脆身，加左汁上面都仲脆脆地，西蘭花加左韮黃一齊炒幾入味。滑蛋牛肉飯先係餐飯既精華，睇相都見到個滑蛋整得好出色，滑牛醃製完夠滑身又多料，蛋汁個比例同牛肉真係好鬼正，$48碟真係必試😏.好多枱都食海鮮，可能因為海鮮好平又抵食，但同行爸媽因為唔太好海鮮就無特別點，下次如果黎開呢頭再幫襯都不錯之選。

街市內的熟食檔，一向是價廉物美的選擇，今晚便來到紅磡街市內，曾經光顧過多次的食肆。黃金蝦$180，廚師用上了中蝦，蝦肉爽口彈牙，而且份量也不少。鹹蛋黃沾滿了蝦殼，令人先品嚐鹹蛋黃的鹹香味，才享用美味的蝦肉，而蝦殼經過炸煮之後，香脆可口，是佐酒的一道佳餚。豉椒炒花甲$148，花甲尺寸頗大，肉質鮮甜可口，配合豆豉和洋蔥的香氣，味道層次豐富。瑤柱扒豆苗$88，豆苗幼嫩，加上瑤柱和醬汁的鮮味，雖然是簡簡單單的小菜，已經非常滿足。豉汁蒸魚雲$128，魚雲的份量差不多有一個大魚頭，豆豉的鮮味，加上辣椒的香氣，令到這道小菜，更加惹味。

After a game of soccer, my friend and I decided to have dinner together before heading back home. Since we were around that district, we decided to head to Hung Hom food centre. There were alot of stalls located inside and we decided to try 永發海鮮飯店 in the end. Being a typical da pai dong and seafood stall, their menu was comprehensive, offering a wide range of Cantonese cuisine such as soup, seafood, meat, rice or noodle and drinks etc. Salted lemon with sprite - It was gassy and refreshing, with

廣東小炒一向都係我的最愛之一，無獨有偶，如果喺可行嘅情況之下，我都會嗌菠蘿咕嚕肉/生炒排骨，同埋西蘭花炒鮮魷，所以今次幫襯嘅呢一間都唔例外。紅磡街市熟食中心有好多檔大排檔，不過我自己就最鍾意食呢一間，小炒夠鑊氣，價錢又合理。呢間嘅西蘭花炒鮮魷，用嘅魷魚質素唔錯，雖然我自己估計唔係新鮮游水嘅魷魚(因為碟餸嘅價錢絕對反映到)，不過魷魚嘅肉質都夠彈牙，加上鑊氣夠，所以唔錯。至於我嘅另一至愛菠蘿咕嚕肉都算唔錯，最主要原因就係佢嘅炸粉漿唔會太厚，因為我真係好怕嗰啲炸到成舊粉咁樣，唔講仲以為自己食緊酸齋。不過有時如果大廚落多咗汁，碟野就衰晒，10次有1次失手啦🤣。另外大家要留意，千祈唔好叫蠔餅，因為佢嘅做法好獨特，做到好似個蛋糕咁，當然口味嘅嘢好難講

聽朋友介紹，紅磡街巿上面有幾間唔錯嘅大排檔，於是乎母親節就捉埋老豆老母上去開餐，點知就中伏.點咗家鄉焗魚腸，半隻炸子雞，蜜汁吊白鱔，干燒伊麵，兩罐芬達.叫兩罐芬達都要催，心知不妙！(x_x)老母最想食家鄉焗魚腸，無哂！更加感覺出事！轉為叫西蘭花帶子，係唯一正常嘅菜式，西蘭花新鮮，帶子份量無偷工減料，只係嫌油份過多，但奇怪地遲嚟先上岸，相信必中伏！轉頭又催到個干燒伊麵番嚟，唔夠干身汁過多，味道咸咗少少.催呀催又催到碟蜜汁吊白鱔，一上枱含家嚇一跳！炸到燶哂黑嘛嘛以為係炸到過哂火炸子雞，原來係白鱔，外相極不討好，好明顯泡油后加蜜糖，所以超超超多油！入口滿口油味蓋過不少蜜糖味，鱔味？更加唔好提.....鱔肉厚但份量偏少，連伴碟嘅蝦片都唔夠脆！最后催到碟炸子雞，皮脆但又係炸得過火，所以肉質唔夠 juicy 鞋口咗D, 失望+失敗！隔離枱一家四口幫襯另一間大排檔，遲過我地到都早過我地上菜早過我地走，望一望永發又唔係好多枱客，得果四枱客未爆場噤都要催單，重要質素唔得，連 okay 都俾唔落手囉...

今日約左朋友黎到黃埔呢頭，就想食d小菜，飲返兩杯酒，傾下計咁，經朋友介紹下，就去左街市呢到，上到四樓，一行入去就有好幾間舖係到，共用一個大場地，但佢地都劃分得好清楚邊到打邊到，去到時，時間大約七點到，已經都有好多人下，可以話係full場咁濟，本來呢就諗住食一入去直行果間，但幾咁full下都唔知點好，而呢個時候永發既伙記就主動黎問我地幾多位，就係咁我同d朋友又無乜所謂，就揀左呢間“永發海鮮飯店”。先講環境，衛生程度ok，係街市頂樓都算ok，雖然多人，但又唔會話好焗，又唔會話特別好嘈，有d大排擋既感覺。餐牌上好多菜式都有，淨係腦海中諗起d常叫既菜式都有。咁佢始終都係海鮮飯店，伙記黎到時，見我地仲諗緊食乜好，都係到sd我地食佢地既海鮮，但無奈我朋友唔係咁好海鮮，所以我地都係叫返我地想食既野。三個人，點左個粟米魚炙羮，啫啫通菜煲，椒鹽九肚魚，蔥油雞半隻，同埋沙拉骨。“係到特別一讚就係，伙記係會因應我地點餐既情況，而推薦我地食咩，例如初初佢sell我地食蝦，我地唔好喇，佢再sell.我地食蟹，又例如最後點晒後，諗住叫多個菜時，佢見我地無乜肉，都會sell我地食沙拉骨，牛仔骨咁。”我覺得呢方面，十

極邪惡梅菜梅菜扣肉！！每次嗌呢個餸都一定要食一碗飯🍚。食欖角肉鬆四季豆又食多碗飯🍚。(不過建議唔好搵姐姐嗌餸，好似會漏單。) 呢度最正仲有日本啤酒🍻Orion，用鴨舌送酒辣辣地超正🥰🥰

老公突然話我地未撐枱腳食開年飯所以要出去開餐老公提議去紅磡街市食潮洲打冷咁我地去到見到人群擁擁然後有個哥仔好快上前招呼我地就咁因為咁快有位坐嘅關係我地就坐低左，點知發現呢間係冇打冷野想轉去第二度，但見第二間排晒長龍所以唯有算數又見到我最鍾意嘅琵琶豆腐同埋叫咗豆豉靚魚油麥菜仲嗌咗薑蔥蠔煲添，琵琶豆腐就一啲都唔覺得似食豆腐入面魚肉比較多，但味道唔腥，惹味又軟身👍🏻薑蔥蠔煲到好惹味最後老公都忍唔住嗌咗個醉雞話冇晒潮州打冷嘅凍食，都要食呢個補番數呢個醉雞都唔錯酒味夠👍🏻又唔太鹹雖然我同老公冇得食潮州打冷有少少不高興不過呢一餐都幾好食👍🏻

中午在紅磡，路過熟食中心，便上樓試下，叫了鹹魚肉餅飯，未幾便吃飽，味道可以，肉餅飯43元，我付了100元，等了3分鐘還未有人找錢，我便站起來，想過去問問，這時一名阿姐問我幹嘛，我便說等找錢，她問其他人，這時全部人面面相覷，都說沒有收過錢，再說兩句後，便說：「你站在那裡幹嘛？」又有另一侍應插嘴，說：「是誰收了你錢？」我指其中一人，然後她說沒收過，又把袋中錢拿出來，說根本沒有，這時我也沒什麼好說，幸好旁邊用膳的大叔說了幾句，說剛才看到我付款，之後便有人去查看，說在櫃位有一張100元，便願意找錢給我，臨走前，其中一人說：「幾十塊不會騙你的。」