Baan Phadthai (Closed)

經過東港城，見到呢間全藍色設計嘅餐廳，加上特別吊燈，大玻璃窗，牆上木架，好有渡假feel。 入到去仲發現空間好大，好多枱😍  感覺好舒服自在呀😌上網睇，原來呢間餐廳大有來頭🤩，係來自泰國曼谷米芝蓮推介🌟 當然要試吓招牌🌟～燒豬頸肉炒金邊粉即叫即炒🔥，豬頸肉切薄片，烤至金黃色，爽口唔油膩金邊粉咬落Q彈，配當芽菜、洋蔥、蛋絲，豆腐乾，旁邊仲有花生粒同埋辣椒粉，撈勻特別惹味😋無骨海南雞飯雞肉厚而肥美，皮薄而滑，配三款醬汁，豉油薑蔥辣醬，各有風味。 油飯帶黃色，好香唔太油，飯又唔太腍😍串燒雞肉雞肉串外脆內軟，肉質嫩滑，配兩款醬汁沙嗲醬好Rich，甜甜地仲有好多花生粒另一款醬汁我都好欣賞，有少少辣椒🌶️，有青瓜洋蔥，酸酸甜甜，唔太辣，口感清新甜品係色彩繽紛嘅～芒果糯米飯🌈綠色班蘭糯米飯，配黃色香甜芒果，加上濃郁creamy 嘅椰漿，及脆卜卜嘅綠豆粒，絕對不容錯過😉