居食屋「和民」 (Closed)

落樓周圍都冇位，去和民即刻有位，當然選擇入去啦。環境不錯，燈光調較比較暗，好似幾有氣氛咁。由於不太餓，所以只点了少少菜，先來个蘑菇 pizza，薄皮带少少烤燶咗嘅边，反而覺得脆口，配上蘑菇、洋蔥，味道算唔錯，我比較喜歡多芝士，呢方面对我來說，就差少少啦。加多个牛肉 壽喜燒，有牛肉之外，還有豆腐、冬菇、大蔥、秀珍菇做配菜，再追加一個麵底，滾下滾下呢食都幾好，少少哋，一人份量，不錯。再叫兩个小食，玉子和煎餃子，這兩款就正常味道啦。2個主菜加2個小食350蚊，以晚餐嚟計，可接受價錢。環境清靜，同朋友去食個飯，傾下計，都係選擇之一。